Al lizher da Filemon

Eus Wikipedia
Mont da : merdeiñ, klask

Unan eus an tri lizher bet skrivet gant Sant Paol pa oa prizoniad e Roma (60-62[1] pe 61-63[2]) eo al lizher da Filemon.
Eus memes rummad hag al lizher d'an Efezidi hag al Lizher d'ar Goloseidi e vefe eta hervez La Bible de Jérusalem[2]. Emañ e Testamant Nevez ar Bibl.

Berr eo al lizher-mañ. Setu penaos e vez kinniget gant Maodez Glanndour [3] :

« Ur bilhed berr n'eo ken evit goulenn digant Filemon, unan eus kristenion Kolosae, reiñ frankiz d'e sklav Onezimoz. Hemañ goude e laerezh, a zo tec'het kuit eus ti e vestr. Paol, goude kaout anezhañ, en deus e droet d'ar feiz. Bremañ, petra ober ? Adkas Onezimoz d'e vestr ? Ma plijfe da hemañ diskouez trugarez e-keñver e sklav e vefe sur-mat kristenoc'h. »

Ouzhpennañ a ra La Bible de Jérusalem[4] e tiskouez al lizher-mañ pegen kizidik e oa an abostol e-keñver an dud, ha kadarnaat a ra e sell war ar sklaverezh.

Notennoù ha daveennoù[kemmañ | kemmañ ar vammenn]

  1. (br) Maodez Glanndour, "Digoradur da lizheroù Sant Paol", eil lodenn troidigezh an Testamant Nevez, Al Liamm, 1971, p. 354
  2. 2,0 ha2,1 (fr) La Sainte Bible, Cerf, 1961, p. 1487
  3. (br) Maodez Glanndour, "Digoradur da lizheroù Sant Paol", eil lodenn troidigezh an Testamant Nevez, Al Liamm, 1971, p; 356
  4. (fr) La Sainte Bible, Cerf, 1961, p. 1488