Agenor (mab Poseidon)

Agenor (Ἀγήνωρ / Agếnôr e henc'hresianeg) a oa mab da Boseidon ha da Libya, ha roue kêr Tyr e Fenikia, e mojennoù Hellaz kozh. Breur e oa da Velos, roue Egipt ha da Leleks. Hervez Herodotos e veve a-raok ar bloaz -2000.

Pried e oa da Delefassa, ha c'hwec'h bugel en doe ganti :

• Kadmos, ar c'hentañ eus o femp mab
• Foiniks
• Kiliks
• Thasos
• Fineüs
• ur verc'h Europa, a voe skrapet gant Zeus. Kas a reas e vibien d'he c'hlask, gant urzh da chom hep distreiñ ma n'he c'havent ket. Ne deuas hini anezho en-dro. An holl a ziazezas en Hellaz.

Pennad kar

Tud all zo bet anvet Agenor.