Ac-Cent-Tchu-Ate the Positive

Ac-Cent-Tchu-Ate the Positive zo ur ganaouenn saoznek eus SUA, savet an ton anezhi gant ar sonaozer Harold Arlen (1905-1986) hag ar c'homzoù gant ar pozier Johnny Mercer (1909-1976). Embannet e voe e 1944 ha priziet gant ur Grammy Hall of Fame Award.

Tennañ a ra ar ganaouenn d'ur brezegenn, ma lavarer e c'haller bezañ eürus ma vezer gwellwelus.

D'ar 4 a viz Here 1944 e voe enrollet gant Mercer ha The Pied Pipers gant strollad sonerien Paul Weston. Gant Capitol Records e voe embannet. D'ar 4 a viz Genver 1945 e voe tizhet renkadur Billboard magazine ganti, ma chomas e-pad 13 sizhunvezh ha ma pignas betek an eil renk.

Meur a ganer en deus he c'hanet :

• Bing Crosby ha The Andrews Sisters, d'an 8 a viz Kerzu 1944, embann gant Decca Records. D'ar 25 a viz Genver 1945 e tizhas renkadur Billboard magazine, ma chomas e-pad 9 sizhunvezh ha ma tizhas an eil renk
• Kay Kyser ha Dolly Mitchell hag un triad kanerien, d'an 21 a viz Kerzu 1944, embann gant Columbia
• Artie Shaw, embann gant RCA Victor Records. D'ar 25 a viz Genver 1945 e tizhas renkadur Billboard magazine, ma chomas e-pad 5 sizhunvezh, ha ma pignas betek ar 5vet renkposition
• Johnny Green, d'ar 6 a viz Ebrel 1945, embann gant Parlophone Records
• Perry Como, d'an 19 a viz C'hwevrer 1958 hag e miz Gouere 1980 en-dro
• Aretha Franklin, en he fladenn The Electrifying Aretha Franklin (Columbia Records), 1962
• Sam Cooke en he fladenn Encore
• Spitfire Band, evel sonerezh an abadenn skinwel Faithville.
• Paul McCartney, en e bladenn Kisses on the bottom

Er sevenadur pobl

He c'hlevout a reer er film Here Come the Waves (1944), kanet gant Bing Crosby ha Betty Hutton, kaset gant Mark Sandrich.

Kanet eo bet ivez gant Dr. John, evit ar film The Mighty Ducks (1992).

He c'hlevout a reer er film polis L.A. Confidential (1999), e rann diwezhañ ar stirad amerikan Quantum Leap hag er film Midnight in the Garden of Good and Evil sevenet gant Clint Eastwood.

Sonerezh pennañ ar stirad Homefront eo ivez.