♯brezhoneg
♯brezhoneg a zo ur gelaouenn daouviziek divyezhek embannet gant Skol an Emsav abaoe miz Genver 2014 evit an dud a zo o teskiñ brezhoneg.
Betek diwezh ar bloavezhioù 1990 e veze embannet ar gelaouenn Evit ar brezhoneg evit an deskerien, met n'eus bet mui tra ebet en embann brezhonek evit al lennerien-se e-pad 14 vloaz.
E ♯brezhoneg e kaver pennadoù brezhonek a vez aozet evit al liveoù A2 betek B2 hervez reoladoù Europa[1].
Pep niverenn a ginnig keleier diwar-benn Breizh hag ar bed, un teuliad diwar-benn ul lec'h a zo e Breizh, un etreweladenn, c'hoarioù ha bannoù-treset.
A-fet yezh e kaver e ♯brezhoneg frazennoù a-zivout un dodenn resis, ur c'heriaoueg skeudennaouet ha reolennoù ar brezhoneg.