Zoopraksiskop

Eus Wikipedia
Mont da : merdeiñ, klask
Kantenn ur zoopraksiskop

Ar zoopraksiskop a voe unan eus an ardivinkoù kentañ bet ijinet a-benn diskouez tresadennoù-bev. Gant al luc'hskeudenner saoz Eadweard Muybridge (1830-1904) e voe krouet e 1879.

Eus ar gerioù henc'hresianek ζῷον zoion "loen", πραξι- praksi- "obererezh" ha σκοπεῖν skopein "arselliñ" e teu an anv "zoopraksiskop", a dalvezfe kement hag "arselliñ obererezh ul loen" neuze.

Arc'hwelerezh[kemmañ]

Ar skeudennoù blivet

Treset e veze un heuliad skeudennoù war ur gantenn wer a lakaed da dreiñ dirak ul luc'hvanner. Pa oa mat an tizh ne weled nemet ur skeudenn a hañvale fiñval war ar skramm, abalamour da anadenn dreistpad al luc'hsae. Peogwir e veze distummet ar skeudennoù dre goazhadur abalamour d'an tizh en ardivinkoù kentañ e voe kemeret ar boaz da astenn pep skeudenn evit ma vije mentet reizh a-hed an abadenn.[1]
Eus 1892 betek 1894 e voe moullet luc'hskeudennoù war ar c'hantennoù, ha livet da c'houde. Lod heuliadoù a oa kemplezh-kenañ, pa gemmeskent fiñvoù loened ha fiñvoù tud.

Hêrezh[kemmañ]

  • Er bloavezh 2004 e chome 71 zoopraksiskop, a zo bet luc'hskeudennet evit ul levr diwar-benn Eadweard Muybridge.[2]

Notennoù[kemmañ]

  1. Kingston Museum (en)
  2. Stephen Herbert (2004), Eadweard Muybridge – The Kingston Museum Bequest, The Projection Box, ISBN 978-1-903000-07-6 (en)

Levrlennadur[kemmañ]

  • Georges Sadoul (9vet emb., 1999), Histoire du cinéma mondial des origines à nos jours, Flammarion, ISBN 978-2080602169 (fr)

Liammoù diavaez[kemmañ]

Pennadoù kar[kemmañ]