Tolead kêr

Eus Wikipedia
Mont da : merdeiñ, klask
Kornôg Tokyo e Japan.

Un tolead kêr[1] zo un tolead gant tier (tier-annez, industriezh, melestradurezh), ennañ ur greizenn annezet stank hag he ziriadoù tro-dro ha n'int ket annezet ken stank. N'eo ket en abeg d'ar stank m'eo annezet e greizenn hepken e vez sellet ouzh un takad evel un tolead kêr, met ivez en abeg d'e bouez sokial hag ekonomikel er riez m'emañ.

Termenadurioù[kemmañ]

Disheñvel eo an termenadurioù roet gant ensavadurioù ar stadegoù hervez ar broioù.

Frañs[kemmañ]

E Frañs eo resis termenadur an tolead kêr roet gant an INSEE[2] : bez' eo un teskad kumunioù en ur pezh, hep enklozadur, gant ur pol kêrel (tolpad kêrel gant ouzhpenn 10 000 post-labour) hag e gurunenn drogêrel a labour ennañ ouzhpenn 40 % eus ar boblañs oberiant annezour.

Ar memes termenadur a zo d'an toleadoù krenn met gant un niver a bostoù-labour etre 5 000 ha 10 000, ha d'an toleadoù bihan gant un niver a bostoù-labour etre 1 500 ha 15 000.

Unaniezh Europa[kemmañ]

Eurostat, ensavadur ar stadegoù en Unaniezh Europa, en deus savet ur meizad anvet Larger Urban Zone (LUZ) (Takad Kêrel Ledanaet), damheñvel ouzh an takad kêrel termenet gant an INSEE, evit gellet keñveriañ gwelloc'h ar poblañsoù kêr. An takadoù-se a zo enno ar gêr greiz hag ar bannlevioù bihan ha bras tro-dro dezhi.[3].

Notennoù ha daveennoù[kemmañ]

  1. Termofis
  2. (fr) Termenadur an tolead kêr hervez an INSEE
  3. (fr) Eurostat