Star Wars

Eus Wikipedia
Mont da : merdeiñ, klask
Logo Star Wars.

Star Wars (Brezelioù ar stered) a zo un hollved krouet gant ar filmaozer stadunanat George Lucas. Bez' en deus evel orin an heuliad filmoù, doare skiant-faltazi space opera, savet gant c'hwec'h rann, sevenet etre 1977 ha 2005.

Ar saga a oa savet, hervez an aozer, evit ma vefe nav film. George Lucas en deus choazet kregiñ da seveniñ ar pevare pennad avat, dre ma oa diaesoc'h sevel ar re all gant teknikoù sinema ar mare-se, ha dre ma oa dedennusoc'h an istor. Star Wars a zo deuet er-maez e 1977. Klokaet hag astennet eo bet titl ar film tamm-ha-tamm en Episode IV : A New Hope (Ur spi nevez). Ur romant a zo bet embannet ivez e 1976, gant un nebeud disheñvelderioù. Daou bennad all an drilojienn a zo bet sevenet ur pennadig amzer goude. E 1980 gant The Empire Strikes Back (Enepstourm an Impalaeriezh), renet gant Irvin Kershner, hag e 1983 gant Return Of The Jedi (Distro an Jedi), renet gant Richard Marquand. Astennet e vo o zitloù e Episode V: The Empire Strikes Back ha Episode VI: Return Of The Jedi goude-se. Fin an trede lodenn ne lak ket da soñjal e vo un heuliadenn avat. E 1999 e teuas er-maez ar pennad kentañ hervez red kronologel an istor, met ar pevare film da vezañ savet eo neuze, Episode I: The Phantom Menace (Spes ar gourdrouz), renet gant George Lucas. C'hwec'h a vo savet en holl, gant Episode II: Attack Of The Clones (Argad ar c'hlonoù) e 2002 hag Episode III: Revenge Of The Sith (Dial ar Sith) e 2005, sevenet o-daou gant George Lucas.

An heuliad a reas ur berzh etrevroadel divent. Evit esplegañ ar berzh-mañ, daoust d'an diouer a arc'hant : ar budjet a oa bihan a-walc'h, e-tro 10 milion a zollaroù (eus ar c'houlz-se), hag an aktourien dianavezet. Diskleriet e vez alies ar faktorioù a-heul :

  • An efedoù arbennik, meret gant Ken Ralston, a oa nevezer, ha gant John Dykstra, en deus kemeret perzh hag en deus diorroet un doare nevez da lakaat al listri da "fiñval", filmet gant ur c'hamera jedet he fiñvioù gant an urzhiataer, an Dykstraflex (diwar tenkink ar motion control).
  • Ar sonerezh, aozet gant John Williams, gant tonioù hag a zo bremañ anavezet-tre.

...