Sergius III

Eus Wikipedia
Mont da : merdeiñ, klask
Serj III
Pab an Iliz katolik roman

SergiusIII.jpg

Ganedigezh Roma
Dilennet da bab 29 a viz Genver 904
Dibenn e baboni 14 a viz Ebrel 911
En e raok Leon V
War e lerc'h Anastaz III
Roll ar bibien : kronologiezh · hervez al lizherenneg

Sergius III (? –† 14 a viz Ebrel 911) a voe pab katolik eus 904 da 911.

Gant dilennidigezh Sergius, kont Tusculum, da bab, e tigor ur marevezh eus istor ar bibien anvet pornokratiezh, abalamour da levezon serc'hed ar bibien war eskibien Roma.

Renet e veze gant Marozia (892-937), merc'h Teofilakt (859-916), a oa bet bountet gant he zud da vezañ serc'h ar pab da 13 vloaz. Ur mab o doe, a voe pab, anvet Yann XI (906-936).

E-kerzh e babelezh eo e klaskas an impalaer Loeiz III, en 905, distreiñ eus e harlu, hag e voe prizoniet ha dallet gant roue Berengar Iañ , a zistroadas anezhañ hag a c'houlennas, en aner, digant ar pab, bezañ kurunennet gantañ evel impalaer nevez.

Aotren a reas pevarvet dimeziñ an impalaer Leon VI ar Fur gant e bried-kleiz Zoe Carbonopsina, a oa mamm e vab nemetañ (a vo impalaer war e lerc'h), ma voe reuz bras en Iliz.

Adsevel a reas iliz-veur Sant Yann Latran a oa bet distrujet gant ur c'hren-douar.

Mervel a reas Sergius III d'ar 14 a viz Ebrel 911.