Sambre-et-Meuse
Ar Sambre-et-Meuse a oa anv un departamant gall e Belgia etre 1795 ha 1814. Dont a ra an anv eus hini an div stêr Sambre ha Meuse.
Namur a oa ar pennlec'h anezhañ.
Savidigezh[kemmañ | kemmañ ar vammenn]
Savet e voe an departamant e 1795, pa voe aloubet ar vro gant ar C'hallaoued, diwar an darn vrasañ eus kontelezh Namur, tammoù eus eskopti Liège hag eus dugelezhioù Brabant ha Luksembourg.
Diskar[kemmañ | kemmañ ar vammenn]
War-lerc'h faezhidigezh Napoleon e 1814, e teuas an departamant da vout rann eus Rouantelezh Unanet an Izelvroioù
Hiziv emañ douaroù an departamant e Belgia, lod e proviñs Namur, lod all e hini Luksembourg.
Arondisamantoù ha kantonioù[kemmañ | kemmañ ar vammenn]
- Namur, kantonioù: Andenne, Dhuy, Fosses-la-Ville, Gembloux ha Namur.
- Dinant, kantonioù: Beauraing, Ciney, Dinant, Florennes ha Walcourt.
- Marche-en-Famenne, kantonioù: Durbuy, Erezée, Havelange, La Roche-en-Ardenne, Marche-en-Famenneha Rochefort.
- Saint-Hubert, kantonioù: Gedinne, Nassogne, Saint-Hubert ha Wellin.