Saint-Sever-Calvados

Kumunioù Bro-C'hall
Anv	Saint-Sever-Calvados
Skoed
Lec'hiadur Saint-Sever-Calvados en Arondisamant Vire
Riez	Bro-C'hall
Rannvro	Normandi
Departamant	Calvados
Bro hengounel
Arondisamant	Vire
Etrekumuniezh	Communauté de communes Intercom séverine
Kanton	Saint-Sever-Calvados (pennlec'h)
Kod INSEE	14658
Kod post	14380
Maer	Jean-Pierre Nourry
Amzer-gefridi	2008-2014
Gorread	27,92 km²
Led	48° 50' 28" Norzh
Hed	01° 02' 47" Kornôg
Uhelder kreiz	.. m
Uhelder bihanañ	144 m
Uhelder brasañ	350 m
Poblañs hep kontoù doubl	1 368 (2010)
Stankter	49 a./km²
Lec'hienn ar gumun	Saint-Sever-Calvados

Saint-Sever-Calvados a oa ur gêriadenn hag ur gumun eus departamant Calvados e Bro-C'hall. Pennlec'h kanton Saint-Sever-Calvados e oa betek 2015.

Bodet e oa d'ar 1añ a viz Genver 2017 gant nav c'humun all d'ober ur gumun nevez: Noues-de-Sienne.

Istor

X^vet kantved

• Krouet e voe abati Sainte Marie et Saint-Sever gant Richard Goz hag e vab Hugues le Loup.

XIX^vet kantved

• 1889: ouzhpennet e voe Calvados ouzh anv ar gumun abalamour d'ar gumun anvet Saint-Sever ivez e departamant Landes e Bro-C'hall.

XX^vet kantved

Eil brezel-bed, Emgann Normandi, 1944:

• d'ar 4 a viz Eost e voe bombezet Saint-Sever ha dieubet e voe gant 28vet Rannlu Troadegiezh SUAat o vont tre er vourc'h da 6 eur beure, heuliet gant tankoù an 2vet Rannlu Hobregonet "Hell on wheels";
• seizh den nann-soudard a varvas e Saint-Sever abalamour d'ar brezel, tri anezhe e miz Even, ar re all e miz Eost.

Monumantoù ha traoù heverk

• 
  An iliz

• Iliz katolik Intron-Varia Sant Sever, XIII^vet kantved, bet savet e-lec'h un iliz romanek a-gent; ul lodenn a oa gant ar venec'h, ul lodenn all a oa d'ar barrez, met distrujet e voe e penn-kentañ an XIX^vet kantved, setu perak eo dispartiet ar c'hloc'hdi, bet savet e dibenn an XVIII^vet kantved, eus an nev a chom; en iliz ez eus meur a draenn rummet.
• Ar maerdi, XVII^vet kantved, er savadurioù implijet gwechall gant ar venec'h.
• Moudenn-gastell ar c'hastell kozh, rummet.
• Chapel an Ermitage, XVII kantved, e Koad Saint-Sever, gant traouennoù rummet enni.

Eil brezel-bed

• Peulvanig an 2vet Rannlu Hobregonet SUAat "Hell on wheels" bet marvet e miz Eost 1944 evit dieubiñ Sant-Sever.
• Bezioù ar C'hommonwealth e bered ar gumun: Saint-Sever Communal Cemetery:

Bro	Niver a soudarded
Rouantelezh-Unanet	6
Hollad	6

Nijourion e oant er Royal Air Force. Mervel a rejont e-pad an Eil brezel-bed. Pemp anezhe a varvas d'an 13 a viz Ebrel 1941, er 149vet Skwadrenn e oant; an hini all a varvas d'an 10 a viz Ebrel 1943, er 197vet Skwadrenn e oa.

Douaroniezh

• Eienniñ a ra ar stêrioù Brévogne ha Sienne e koad Sant-Sever.

Dezougen

• 
  An ti-gar gwelet ag an diavaez
• 
  An diabarzh

• Digoret e voe an ti-gar e 1870 war al linenn etre Agentan ha Granville. Ne vez ket implijet ar savadur ken, an trenioù a harz neoazh.

Melestradurezh

Roll maered ar gumun
Mare		Anv	Strollad	Karg
Meurzh 2008	→ bremañ	Jean-Pierre Nourry		Renour ti-post
Meurzh 2001	Meurzh 2008	Claude Leménorel		Penn embregerezh
Even 1995	Meurzh 2001	Hervé Chareton		Noter
Meurzh 1989	Even 1995	Victor Laporte		Noter
N'eo ket anavezet c'hoazh an holl fedoù.