Phèdre
Phèdre pe Phèdre et Hippolyte zo ur pezh-c'hoari gallek skrivet e 1677 gant ar skrivagner gall Jean Racine diwar mojenn Faidra.
Degemer[kemmañ | kemmañ ar vammenn]
Krouet e voe d'ar Gwener 1añ a viz Genver 1677, anvet Phèdre et Hippolyte, war leurenn an Hôtel de Bourgogne. Daou zeiz goude e voe krouet ur pezh all, anvet Phèdre et Hippolyte ivez, savet gant Nicolas Pradon war leurenn an Hôtel Guénégaud. Da gentañ e seblantas pezh Pradon ober muioc'h a verzh, met a-benn ar fin eo hini Racine a blijas muioc'h, ken e voe ankouaet pezh Pradon a-benn un toullad mizioù.
Goude ar pezh-se e paouezas ar skrivagner da skrivañ c'hoariva evit bezañ istorour ar roue gall Loeiz XIV. Ne skrivo nemet daou bezh ken e fin e vuhez, hag an daou a vo awenet gant ar Bibl: Esther (1689) hag Athalie (1691).
Orin[kemmañ | kemmañ ar vammenn]
Awenet e oa Racine gant ar pezh latin Phaedra savet gant Seneca ar Yaouankañ[1].
Meur a wech a-raok e oa bet skrivet e galleg diwar-benn istor Faidra.
- gant Robert Garnier, a skrivas ur pezh anvet Hippolyte er XVIvet kantved;
- gant Gabriel Gilbert, en devoa skrivet Hypolite ou le garçon insensible en 1647.
An oberenn[kemmañ | kemmañ ar vammenn]
Skrivet eo an oberenn e gwerzennoù daouzeksilabennek, hervez giz ar c'hoariva klasel gall, hag e pemp arvest.
Ar pezh[kemmañ | kemmañ ar vammenn]
Karantez a vag Phèdre ouzh he lezvab, Hippolyte, mab Thésée, hag Antiope, rouanez an Amazonezed. Hippolyte avat a gar Aricie. Mervel a ra Thésée.
Lennadur[kemmañ | kemmañ ar vammenn]
Troidigezhioù diwar Phèdre[kemmañ | kemmañ ar vammenn]
- En alamaneg: Friedrich von Schiller (1805), Ernst August Wilhelm Gräfenhan (1825), Wilhelm Willige (1956), Rudolf Alexander Schröder (1958), Wolf Steinsieck (1995)
- En katalaneg : Joaquim Ruyra (1946), Bonaventura Vallespinosa (1967), Modest Prats (1999)
- En daneg : J. H. Schønheyer (1790), C. E. Falbe Hansen (1945), Erik Rosekamp (2007)
- En italianeg: Giuseppe Ungaretti (1950)
- En nederlandeg : H. van Bracht (1715), Hans Bakx (1982)
- En norgeeg : div droidigezh : Halldis Moren Vesaas (1960), Jon Fosse (2005)
- En ruseg : M. A. Donskoï (1970).
- En saozneg : Robert Lowell (1961), Wallace Fowlie (1962), J. Cairncross (1982), Ted Hughes (e gwerzennoù dieub 1998), Charles Sisson (2001), Timberlake Wertenbaker (2009)
- En spagnoleg : Pablo Olavide (1786), Carlos Pujol (1982), Rosa Cachel (1983), Dolores Fernández Lladó (1985), Nydia Lamarque, Paloma Ortiz García (2003).
- En svedeg : Gudmund Jöran Adlerbeth (1797), Karl August Hagberg (1906), Thomas Kinding (1964) [an teir en gwerzennoù daouzeksilanbennek], Göran O. Eriksson (1996), Anders Bodegård (2006)
Sonerezh[kemmañ | kemmañ ar vammenn]
- Jean-Philippe Rameau, Hippolyte et Aricie (1733), trajedienn war gan;
- Benjamin Britten, Phaedra (1975) , kanadenn