Penniliz Sant-Pêr
| Rann eus | Seven Pilgrim Churches of Rome, Keoded ar Vatikan  |
|---|---|
| Deiziad krouiñ | 18 Ebr 1506 |
| Anv ofisiel | Basilica Papale di San Pietro in Vaticano, Basilica Sancti Petri |
| Anv er yezh a orin | Basilica Sancti Petri, Basilica di San Pietro |
| Relijion | Katoligiezh |
| Anvet diwar | Pêr |
| Diazezer | Jul II |
| Den e penn an aozadur | Archpriest of St. Peter's Basilica, Vatican City |
| Stad | Keoded ar Vatikan |
| E tiriad | Keoded ar Vatikan |
| Hent | Saint Peter's Square |
| Eskopti | Diocese of Rome |
| Lid katolik | lid roman |
| Daveennoù douaroniel | 41°54′8″N 12°27′12″E |
| Darvoud-alc'hwez | dedication, start of construction |
| Dedicated to | Pêr |
| Danvez implijet | cement, Marbr |
| Prizioù resevet | Golden Rose |
| Giz savouriezh | Renaissance architecture, baroque architecture |
| Structure replaces | Old St. Peter's Basilica |
| Statud gladel | part of UNESCO World Heritage Site |
| Lec'hienn ofisiel | https://www.vatican.va/various/basiliche/san_pietro/index_it.htm |
| Hashtag | BasilicaDiSanPietro, StPetersBasilica |
| Sant paeron | Pêr |
| Category for the exterior of the item | Category:Exterior of Saint Peter's Basilica |
| Category for the interior of the item | Category:Interior of Saint Peter's Basilica |
Penniliz Sant-Pêr (e latin Basilica Sancti Petri), San Pietro in Vaticano en italianeg (Sant-Pêr er Vatikan), eo savadur pennañ ar gatoligiezh. E Keoded ar Vatikan emañ, war ribl dehoù an Tiber. Soñjet ha savet dreist-holl gant Donato Bramante, Michelangelo, Carlo Maderno ha Gian Lorenzo Bernini, Penniliz Sant-Pêr a zo ar savadur brudetañ eus marevezh an azginivelezh hag ar brashañ iliz dre ar bed-holl. Hervez an hengoun katolik, Penniliz Sant-Pêr a zo lec'h bez Sant Pêr, penn abostoled Jezuz-Krist ha kentañ eskob Roma. A hervez e vefe bez Sant Pêr dres a-zindan peul pennañ ar penniliz. Dre-se, meur a bab a zo bet beziet e Penniliz Sant-Pêr abaoe deroù ar gristeniezh, ha bez e oa bet eus un iliz war al lec'h abaoe mare an impalaer roman Kustentin Iañ. Penn kentañ al labourioù war ar savadur, evit erlec'hiañ an iliz kozh savet e 400, a oa bet kroget d'an 18 a viz Ebrel 1506. Echuet e oa bet al labourioù d'an 18 a viz Du 1626.
Penniliz Sant-Pêr a zo brudet mat dre ma z'eo ul lec'h piric'hinañ kement hag ul lec'h oferenniñ. Eno e vez ingal ar pab o seveniñ oferennoù ha lidoù relijiel e-pad ar bloaz (oferenn Nedeleg, hini Pask...). Desachet e vez etre 15 000 betek 80 000 a dud, kement dirak ar benniliz evit war ar blasenn Sant Pêr.
Istor
[kemmañ | kemmañ ar vammenn]- An iliz diazez
Iliz kozh Sant Pêr a oa unan eus ar IVe kantved kroget da vezañ savet gant an impalaer roman Kustentin Iañ etre 319 ha 333.