Melbourne

Gant ar ger "Melbourne" e tegouezher amañ. Evit sterioù all ar ger, gwelit Melbourne (disheñvelout).

---

Melbourne (distaget [ˈmelbən] e saozneg) zo unan eus kêrioù brasañ Aostralia ha kêr-benn stad Victoria.

Gar "Flinders Street" e Melbourne.

En em astenn a ra Melbourne war 1.705 km² ha reiñ a ra bod da 3.384.671 a annezidi (e 2005). Gant se ez eo an eil kêr vrasañ en Aostralia (goude Sydney). Emañ war aod kreisteiz ar vro, war ribl bae Port Phillip.

Diazezet e oa bet gant trevadennerien deuet eus Europa e 1835.

E 1956 e oa bet degemeret ar C'hoarioù Olimpek e Melbourne. Degemer a ra ivez bep bloaz Priz Bras Aostralia e Formulenn 1 abaoe 1996.

Kêrioù gevellet

• Osaka, Japan (1978)
• Tianjin, Republik Pobl Sina (1980)
• Thessaloniki, Gres (1984)
• Boston, Stadoù Unanet (1985)
• Sant-Petersbourg, Rusia (1989)
• Milano, Italia (2004)

Liammoù diavaez

• Lec'hienn ofisiel (en)
• Melbourne Ethnic Community Radio