Maria Christina von Österreich (1742–1798)

Eus Wikipedia
Mont da : merdeiñ, klask
Disambiguation.svg Ur pennad Maria Christina von Österreich zo ivez.
Poltred Maria Christina von Österreich (1742–1798), gant Marcello Bacciarelli (1731–1818), e 1766)
Poltred Maria Christina von Österreich, gant Johann Zoffany

Maria Christina von Österreich, pe Maria Christina Johanna Josepha Antonia (1742–1798) a oa Arc'hdugez Aostria, Dugez Sachsen-Teschen, gouarnerez an Izelvroioù.

Merc'h e oa da Franz Iañ ha d'an impalaerez Maria Theresia (1717–1780), Impalaerez santel.

E lez Vienna[kemmañ]

Marie-Christine, lesanvet Mimi en he ziegezh, a oa ganet evel he mamm d'an 13 a viz Mae 1742. He breur pennhêr, Joseph II, a oa ganet bloaz a-raok, en Meurzh 1741, ha hi an hini e oa bugel moumoun e vamm. Gant se e vage he breudeur ha c'hoarezed un tamm brav a warizi outi.

E lez Vienna e taremprede he c'hoar-gaer Maria Isabella di Borbone-Parma‎. Krediñ a reer e voe un darempred lesbian romantel etre an div vaouez yaouank. Ken alies e vezent a-gevret ma oant bet lesanvet Orfeüs hag Euridike : troet e oant gant ar sonerezh o-div met karantez wirion a oa etreze ivez. Bemdez e skrivent lizheroù hir an eil d'eben ma tisplegent o santadoù. En he lizheroù e tiskulie Maria Christina he natur sichant, Isabella avat ne oa ket douget d'al levenez, ha sorc'hennet e oa gant ar marv. N'eo ket sur avat e oant heñvelreviadezed evit kelo-se : diouzh ar c'hiz e oa disklêriañ santadoù tomm-berv neuze, evel entre Julie ha Claire en Nouvelle Héloïse. Lesbianoc'h e oa an darempred etre dugez Devonshire ha Lady Elizabeth Foster. N'eus bet miret nemet lizheroù Isabella, re Maria Christina zo bet distrujet goude he marv.