Maid Marian

Robin ha Marian, hervez ur skeudenn eus 1880.

Maid Marian pe Maid Marion eo dousig Robin Hood er mojennoù saoz. Mesaerez pe berjelenn eo, stag hec'h anv ouzh deiz ar 1añ a Vae.

Ne oa ket bet kaoz eus he c'harantez ouzh Robin a-raok ar XVI^vet kantved. A-wechoù e vez kontet da vezañ a wad uhel. N'eo ket meneget er gwerzioù kozh diwar-benn Robin Hood.

War a seblant e oa un dudenn eus gouelioù ha c'hoarioù Mae (a-hed Mae hag e deroù Mezheven, da vare ar Pantekost). Hervez Jim Lees en e levr The Quest for Robin Hood (p. 81) e vefe bet Maid Marian ur personeladur eus ar Werc'hez Vari.

Div dudenn anvet "Robin" ha "Marian" zo liammet ouzh ar 1añ a viz Mae er XV^vet kantved.

Istor

• War-dro 1283 : Kentañ meneg eus Marion e-barzh Le Jeu de Robin et Marion gant Adam de la Halle :
• War-dro 1377 : Kentañ meneg eus Robin (Robyn hood) gant William Langland e Piers Plowman (Pêr al Labourer-douar )
• 1822 : Maid Marian, romant gant Thomas Love Peacock.