Literatura de cordel

Eus Wikipedia
Mont da : merdeiñ, klask
Literatura de cordel, e Brazil

Al literatura de cordel, pe lennegezh diwar ar fiselenn, zo un doare barzhoniezh poblek, a oa dre gomz a orin, hag a zo bet moulet war baper marc'had-mat, lakaet war ziskouez a-ispilh ouzh ur fiselenn, e kaieradoù 8, 16 pe 32 bajennad d'ar muiañ peurliesañ.

Dont a ra eus lennegezh dre gomz troubadourien ar Grennamzer, a deue da ganañ er marc'hallac'hioù sonennoù diwar-benn brezelourien pe priñsezed, pe darvoudoù skrijus ar vro.

Adalek 1450 ha deroù marevezh ar moulerezh e vo skrivet al lennegezh-se war follennoù anvet en « folhetos » en portugaleg. Ganet e oa e Portugal, ma vezer kustum da ispilhañ paper. E Brazil e vleunio en XIXvet kantved. Koadengravadurioù a vez war ar golo, hag en deroù e vezent, a-hervez , graet gant ar varzhezd o-unan.

Brazil[kemmañ]

Labour skolidi db al lennegezh diwar ar fiselenn.

E Brazil e vez peurvuiañ e gwerzennoù, pa vez e komz-plaen e Portugal.

Literatura de cordel a vez graet anezhi peogwir e vez staget ar « folhetos » ouzh ur fiselenn (cordel) er foarioù ha marc'hadoù e Nordeste Brazil.

Bev eo c'hoazh e Brazil, en Nordeste, ha dreist-holl e stadoù Ceará, Paraíba, ha Pernambuco. Alies ne oar ket lenn an oberourien folhetos, ar re goshañ bepred : sevel a reont o skrid en o fenn ha reiñ da dreuzskrivañ d'un den all. War un dro int sonsaverien (met adimplij a reont ar memes tonioù aliezik), primganerien ha gwerzhañ a reont o folhetos ouzhpenn er foarioù.

An oberourien, anvet cordelistas, a lavar gwerzennoù hogos war gan, ouzh son ar violin pe ar gitar alies, pe a lenn en un doare meurdezus da sachañ evezh ar brenerien.

Gwerzioù[kemmañ]

E rannoù ar gwerzennoù e vez dek, eizh, pe c'hwec'h gwerzenn.


Danvez[kemmañ]

Pemp danvez a vez meret dre vras

  • danvez ar marvailhoù, enne priñsed hag erevent, boudiged ha burzhudoù e-leizh;
  • danvez harozel
  • danvez goapaus
  • danvez karantez
  • danvez relijiel
  • danvez keleier

Akademiezh[kemmañ]

Evit bodañ oberourien al lennegezh diwar ar fiselenn, eo bet savet e 1988 an Akademiezh Vraziliat Literatura de Cordel, annezet e Rio de Janeiro.

Hañval[kemmañ]

Klotañ a ra gant al lennegezh war follennoù-nij, anavezet e Breizh en XIXvet kantved ha deroù an XXvet kantved.

Pennadoù kar[kemmañ]

Lennadurezh[kemmañ]