Lazhadeg Katyn

Eus Wikipedia
Mont da : merdeiñ, klask
Kounlec'h al lazhadeg e Bered soudardel Katyn.

E koadoù bras Katyn, tostik da gêriadenn Gnezdovo, 20 km eus kêr Smolensk (Rusia), e voe lazhadeget ofiserien eus arme Polonia gant soudarded Stalin e 1940. Kaoz zo eus 14 000 den lazhet, 8 000 anezhe prizonidi graet gant ar Soviediz e 1939, ar re all tud dizoudard skrapet en trowardroioù.

Kartenn le'hioù-lazhadeg Katyn

Goude lazhadeg Katyn[kemmañ]

An Amerikaned a ouei dalc'hmat e oa bet eus al lazhadeg hag e oa oberenn ar Gomunisted [1] . Kenderc'hel a rejont da livañ gevier o tamall d'an Alamanted evit chom hep lakaat fall Stalin met ivez a-benn spouronañ an dud war an Alamanted.

Gant dielloù nevez bet degaset gant ar gouarnamant Amerikan etrezek an domani publik er bloavezh 2012 e weler sklaeroc'h an traoù. Er bloavezh 1943 ar c'habiten Donald Stewart hag al letanant-koronal John Van Vliet, daou Amerikan a brizonidi brezel a gasas ur c'heloù d'ar gouarnamant Amerikan a-benn diskleriañ anat ne oa ket oberenn an Alamanted. Gouarnamant Washington a zistrujas ar prouennoù bet degaset dezho.[2]

Kostez Russia e vezo ret gortoz ar bloavezh 1990 evit ma vefe anzavet ar fedoù ha graet digarezioù ofisiel d'ar Boloniz gant Mikhaïl Gorbatchev. Er bloavezh 2004 e vezo roet dafar ha dielloù e liamm gant lazhadeg Katyn gant ar gouarnamant rusian da hini Polonia [3].

Lazhadeg Katyn hiziv-and-deiz[kemmañ]

Lazhadeg Katyn a chom ur sujed arvarus memes ma z'eo bet prouet sklaer e oa an Arme Ruz dindan urzhioù Stalin a sevenas al lazhadeg lod a gendalc'h da vont gant hent an nac'hañ evel ma vez kavet er gelaouenn "Socialism and Democracy" [4].

Ludresadenn polonat bloavezh 2012 war Amerika o kuzhañ lazhadeg Katyn

Sevenet e vez baleadennoù-koun evit derc'hel soñj eus al lazhadeg anvet Katyński Marsz e Varsovia abaoe ar bloavezh 2008. Baleet e vez gant Poloniz treuzwisket e ofiserien al lu polonat ha lod all e soudarded an Arme Ruz. Lennet e vez ivez lizhiri pe karnedoù an aberzhidi ha diskouezhet e vez poltriji al lazhadeg hag ar gouzañverien.

Baleadenn Katyński e 2014

Levrlennadurezh[kemmañ]

  • Le Massacre de Katyn : Crime et mensonge (Lazhadeg Katyn: Torfed ha gevier), gant Victor ZASLAVSKY Ha Christine VODOVAR, 23 a viz Here 2003 (adembannadur 13 a viz Gwengolo 2007)

Filmadurezh[kemmañ]

Filmoù[kemmañ]
Diell-filmoù[kemmañ]
  • Katyn – Die Geschichte einer Lüge (Katyn- Istor ul livañ gevier), Schröder Media, 2010

Notennoù[kemmañ]


Liammoù diavaez[kemmañ]


Commons
Muioc'h a skeudennoù diwar-benn

a vo kavet e Kerandafar.