Kloreg

Eus Wikipedia
Mont da : merdeiñ, klask
Kloreged
Blaberus giganteus MHNT.jpg
Kloreg - Blaberus giganteus
Rummatadur klasel
Riezad : Loened
Skourrad : Arthropoda
Kevrennad : Insecta
Urzhiad : Blattaria
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Ar c'hloreged, pe preñved du, pe c'hwiled du, eo an amprevaned a ya d'ober an urzhiad Blattaria.

Ar c'hloreged zo amprevaned plat gant tastornelloù hir ha pavioù azas da redek. E penn o c'hof ez eus serkennoù implijet gante da dastornat ha da glevet moarvat. Bevañ a reont diouzh an noz en tier, stalioù-bara, savadurioù tommet mat...

An ûioù (etre 6 hag 50) a vez lakaet e klozennoù (feurvioù) a chom stag ouzh kof ar barez e-pad hir amzer, a-wechoù betek o digloradur. Al larvennoù a zinod tri miz war-lerc'h an dozvadenn. Heñvel a-walc'h int ouzh an imagoed, nemet int diaskell da gentañ. Bevañ a reont er memes lec'hioù ivez.

Askellek eo ar c'hloreged met ne nijont ket kalz. Brasoc'h eo ar barez evit ar par. Debriñ a reont restachoù boued a vez kavet sof-kont en o lec'hioù bevañ.

Daoust dezhe bezañ dinoaz evit mab-den e vezont lazhadeget en abeg d'o gouennadur prim-tre.