Kalipso

Eus Wikipedia
Mont da : merdeiñ, klask
Arnold Böcklin, Odisseus ha Kalipso, livadenn, 1883, Kunstmuseum (Bâle)
Odisseus ha Kalipso, gant Jan Brueghel gozh, 1616. Johnny van Haeften Gallery, Londrez.

Kalipso (en henc'hresianeg Καλυψώ Kalupsố, « an hini guzh ») zo un nimfenn eus ar mor e mojennoù Hellaz kozh.

Mojenn[kemmañ]

Kalipso « he rodelloù kaer » a oa un nimfenn, merc'h da Atlas, hervez Homeros hag Apollodoros. Hesiodos, diouzh e du, a ra anezhi unan eus an Okeanidezed[1] hag e-barzh Katalog ar maouezed a ra anv eus he c'harantez kevrinus gant Hermes hag eus o bugale niverus a vefe aet d'ober pobl a-bezh ar Gefalleniz. Sellet e vez outi evel rouanez Enez Ogigia, ma oa o vevañ hec'h-unan gant nimfezed all[2].

En Odysseia e ro bod da Odisseus goude e beñse hag e orged outañ. Dont a ra a-benn da viret anezhañ war hec'h enezenn e-pad 7 vloaz. Kinnig a ra dezhañ zoken dont da vezañ divarvel ma asant chom ganti. Zeus avat a vagas truez ouzh Odisseus pa glevas e verc'h Athena hag a gasas Hermes e vab da reiñ dezhi an urzh da lezel an haroz da vont war-raok. Sevel a reas neuze ur radell da zistreiñ d'ar gêr.

Hervez mojennoù zo he dije bet daou vab eus an haroz : Naosinoos ha Nausithoos[3].

Mammennoù[kemmañ]

  • Apollodoros, Epitome (VII, 24).
  • Catalogue des femmes (CL, 31).
  • Hesiodos, Theogoniezh (v. 359 et 1017-1018).
  • Homeros, Oddysseia (I, vers 13-15 ; 50 à 57 ; V, 57-58.)


Notennoù[kemmañ]

  1. Hesiodos Teogonia , 359.
  2. Meur a enezenn a c'hallfe bezañ Enez Ogigia ar vitologiezh, Enez Gozo peurgetket, en enezeg Malta.
  3. Theogoniezh, 1017-1018.

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.