Jordanes

Eus Wikipedia
Mont da : merdeiñ, klask

Nuvola apps kworldclock.svg Setu ur pennad diechu hag a denn d'an istor. Gallout a rit reiñ un tamm skoazell, ha kreskiñ ar pennad: krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Rouantelezh an Ostrogoted.
Kartenn eus Italia vizantinat war-dro amzer Jordanes.

Jordanes pe Jornandes a oa un istorour eus ar VIvet kantved a skrive e latin. Ostrogot e oa a orin, ha deuet e oa da vout arianour. N'ouzer ket kalz a dra diwar e benn.

E vuhez[kemmañ]

Ur pennad e voe noter e ti ur priñs dianav dimp, ha marteze e teuas da vout eskob Crotone e Calabria. E 551 e voe ur pennad o chom e Kergustentin, gant ar pab Vigilius, hag e Ravenna, a oa kêrbenn Rouantelezh ostrogotek Italia da neuze, ha goude kêrbenn da vare Italia vizantat.

Test e voe eus ar brezelioù gotek a zegasas faezhidigezh an Ostrogoted, e genvroiz, a voe diouennet er bloavezhioù 550.

E oberennoù[kemmañ]

Div oberenn zo anavezet: :

De origine actibusque Getarum [kemmañ]

Honnezh zo ur gronikenn eus istor ar C'hoted : achuet war-dro 552/53, n'eo nemet un adskrivadenn eus ul levr heñvelanvet savet gant Cassiodorus, un ugent vloaz a-raok.

Jordanes a voe goulennet outañ, gant ur mignon, sevel al levr-se evel un diverrañ eus un istor ar C'hoted skrivet e meur a levrenn un 20 vloaz a-raok gant Cassiodorus, ha kollet abaoe. Dibabet e oa bet Jordanes abalamour ma oa troet gant an istor (krog e oa da sevel e Istor Roma), ma oa ampart da skrivañ en un doare fraezh, ha ma anaveze ar C'hoted.

Troet eo a-du gant ar C'hoted kentoc'h. Kontañ a ra istor ar bobl, adalek hec'h orin war aod ar Mor Baltel, betek e amzer.

Romana[kemmañ]

Honnezh zo un Istor roman, a ya betek ar bloaz 552, hag a gemer danvez digant oberourien koshoc'h (Jérôme de Stridon en o zouez).

Skrivañ a ra Jordanes n'eo ket desket-bras: koulskoude e skriv latin mat hag e kompren gresianeg.

Levrioù[kemmañ]

  • Iordanis, De origine actibusque Getarum, GIUNTA, Francesco, GRILLONE, Antonino, éd., coll. Fonti per la Storia d'Italia, Istituto storico italiano per il medio evo, Rome, 1991.
  • Jordanès, Histoire des Goths, dastumad La Roue à Livres, Les Belles Lettres, Paris, 1995.

Daveoù[kemmañ]

  • Mierow, Charles Christopher, The Gothic History of Jordanes: In English with an Introduction and a Commentary, 1915. Reprinted 2006. Evolution Publishing, ISBN 978-1-889758-77-0. [1]

Liammoù diavaez[kemmañ]