Joinville-le-Pont

Ur pennad Joinville zo ivez.

Joinville-le-Pont
Pont Joinville-le-Pont.
Melestradurezh
Stad	Frañs
Rannvro	Enez-Frañs
Departamant	Val-de-Marne
Arondisamant	Nogent-sur-Marne
Kanton	Charenton-le-Pont
Kod kumun	94042
Kod post	94340
Maer Amzer gefridi	Olivier Dosne 2014-2020
Etrekumuniezh	Métropole du Grand Paris EPT Paris-Est-Marne et Bois
Lec'hienn web	http://www.joinville-le-pont.fr/
Poblañsouriezh
Poblañs	19 128 ann. (2020)
Stankter	8 281 ann./km²
Anv annezidi	Joinvillais
Douaroniezh
Daveennoù lec'hiañ	48°46′11″N 2°54′41″E
Uhelderioù	bihanañ 33 m — brasañ 61 m
Gorread	2,31 km²

Joinville-le-Pont a zo ur gumun c'hall en departamant Val-de-Marne hag er rannvro Enez-Frañs. E 1790 eo bet krouet ar gumun-se diouzh parrez kozh Saint-Maur (Saint-Maur-des-Fossés hiziv an deiz) dindan an anv La Branche-du-Pont-de-Saint-Maur, a-raok bezañ adanvet Joinville-le-Pont e 1831.

Douaroniezh

Lec'hiadur

E kreiz tolpad kêrel Pariz emañ Joinville-le-Pont.

• 
  Lec'hiadur kêr Joinville-le-Pont en dro-kêr dost Pariz (e ruz).
• 
  Lec'hiadur kêr Joinville-le-Pont en departamant Val-de-Marne (e glas).

Kumunioù amezek

	Pariz (koad Vincennes)	Nogent-sur-Marne	Champigny-sur-Marne
	Pariz (koad Vincennes)	N	Champigny-sur-Marne
		K    Joinville-le-Pont    R
		S
	Maisons-Alfort	Saint-Maur-des-Fossés	Saint-Maur-des-Fossés

Kêraozañ

Daou genstroll karterioù dispartiet gant ar Marne a ra gant kêr Joinville-le-Pont, da lâret eo Les Hauts de Joinville (Joinville Uhelañ), er c'hornôg, ha Le Bas de Joinville (Joinville Izelañ), er reter. Etre an daou genstroll-se e kaver war ar stêr l'île Fanac (enez Fanac), a c'heller degouezhout enni dre pont ar gêr.

Seizh karter a rann ar gumun en doare ofisiel : "Europe", "Île Fanac", "Palissy"," Paris/Canadiens", "Polangis", "Quai de la Marne" ha "Vautier/Leclerc".

Politikerezh ha melestradurezh

Roll ar maerioù

Roll ar maerioù abaoe Dieubidigezh Bro-C'hall

Mare	Anv	Strollad	Micher
2008-	Olivier Dosne	UMP, goude LR	Apotiker
1983-2008	Pierre Aubry	RPR, goude UMP	Penn embregerezh
1977-1983	Guy Gibout	PCF	Kazetenner
1975-1977	Jean-Pierre Garchery	RGR	Beajour kenwerzh
1953-1975	Georges-Maurice Defert	PSD	Kalvez
1953	Amélie Trayaud	PCF	Implijadez tramgarr
1944-1953	Robert Deloche	PCF	Micherour

Gevelliñ

• Bergisch Gladbach (Alamagn) abaoe 1960,
• Runnymede (Bro-Saoz) abaoe 1960,
• Joinville (Brazil) (Brazil) abaoe 2001,
• Batalha (Portugal) (Portugal) abaoe 2007.

Sevenadur lec'hel ha glad

Lec'hioù ha monumantoù

Savadurioù azeuliñ

• Templ boudaat Linh Son,
• Iliz Sant-Charlez Borrome,
• Iliz Santez-Anna,
• Chapel Sant-Leonardo (aet da get),
• Chapel Itron Varia Presles (aet da get).

Savadurioù all

• Savadur klub roeñverezh "Aviron Marne et Joinville" : savet war an enez Fanac e 1883, distrujet eo bet gant an tan e miz Here 2005 a-raok bezañ adsavet ez-peurheñvel e 2007,
• Kastell ar Parangon : ar savadur-se, Kuzul Departamant Val-de-Marne e berc'henn, a zegemer servijoù sokial ennañ goude bezañ degemeret ar Skol Bleustrek Drevadennel e deroù XX^vet kantved. Savet eo bet e-pad eil hanter ar XVII^vet kantved hag emañ ur park bras en-dro dezhañ, foran evit un darn,
• Bez Jean-Baptiste Jupille (bered kêr) : lesanvet "ar mêsaer Jupille", saveteet eo bet diouzh ar gounnar gant Louis Pasteur e 1885.

Glad sevenadurel

• Skol an Arzoù ar gumun (anvet "Skol Sonerezh Hector Berlioz" gwechall), en enez Fanac,
• Skol dañs Aurélie Dupont.