Gwaskogn

Eus Wikipedia
Mont da : merdeiñ, klask
Kartenn eus Gwaskogn.
Kartenn eus Novempopulania
Kartenn Gwaskogn en okitaneg.
Banniel

Gwaskogn (ne vez ket degemeret ar stumm Gaskogn peurvuiañ), Gasconha ([gasˈkuɲɔ / gasˈkuɲə]) en okitaneg (gwaskoneg), zo ur broviñs kozh, rannet bremañ etre Bro-C'hall, evit an darn vrasañ, ha Bro-Spagn, gant Traoñienn Aran a zo e Generalitat Katalonia. N'eus ket anezhi ken abaoe ar Grennamzer, se zo kaoz n'eus ket anv anezhi da vare krouidigezh an departamantoù gall. Daoust da gement-se e chom bev an eñvor anezhi e meur a geñver.

Aush eo ar gêr-benn istorel.

Istor[kemmañ]

Er Grennamzer uhelañ e oa ur briñselezh e mervent Bro-C'hall. Adalek 1032 e oa krog da vruzuniñ, ha n'eus ket bet anezhi ken evel unvez politikel goude 1063. Er bloaz-se e voe trec'het Bernard II Tumapaler, kont Gwaskogn, en emgann La Castelle, gant Gwilherm VIII, dug Akitania, ma laoskas Gwaskogn gant Akitania. Goude feur-emglev Pariz e 1259 e voe roet da dugelezh Akitania an anv a zugelezh Guyenne (Gwienna), a oa neuze anv douaroù ar roue saoz e Bro-C'hall.
Daoust da se e chom bev ar bersonelezh rannvroel gwaskon betek hon amzer, ha dreist-holl dre ar gwaskoneg, unan eus rannyezhoù an okitaneg.

Gaskonia, Gwaskonia[kemmañ]

Implijet eo bet ivez an anv latin Gasconia (pe Gaskonia) da gomz eus Euskal Herria.


Commons
Muioc'h a skeudennoù diwar-benn

a vo kavet e Kerandafar.