Eusko Alkartasuna
Eusko Alkartasuna a zo ur strollad broadelour euskarat eus an tu-kleiz a glask gounit frankiz Euskadi e-barzh an Unvaniezh Europat.
[kemmañ] Istor
Krouet e oa bet Eusko Alkartasuna dre un disrann e-barzh ar Strollad Broadelour Euskarat e 1987. E gendalc'h-diazezañ a c'hoarvezas e Pamplona ha Carlos Garaikoetxea a voe dilennet d'e brezidant kentañ. Meur a abeg a oa d'an disrann :
- Un dizemglev personel etre al lehendakari Carlos Garaikoetxea ha penn ar Strollad Broadelour Euskarat, Xabier Arzalluz.
- Un dizemglev etre emsaverien an tu-kleiz ha re an tu-dehou
- Un dizemglev a-zivout frammadur gouarnamant Euskadi. Tra ma felle d'ar Strollad Broadelour Euskarat ur gouarnamant kreiz kreñv e felle da Eusko Alkartasuna reiñ muioc'h a c'halloud d'ar proviñsoù.
Start e oa an tabut ha ret e voe da bep kevrenn votiñ da c'houzout ha mont a rafe gant ar SBE pe gant Ea.
[kemmañ] Lec'hiadur a-vremañ
Sioulaet e oa bet un tammig an diemglev gant ar Strollad Broadelour Euskarat hag abaoe 1991 eñ-deus EA kemeret perzh e meur a ouarmanat, an hini a-vremañ en o zouez. E dilenadegoù 2004 en deus gounezet ur sez e proviñs Gipuzkoa. Kevreet eo bet gant ar Strollad Broadelour Euskarat e meur a zilennadeg ha gant Esquerra Republicana de Catalunya e dilennadegoù europat. E Navara en deus furmet ar gevread Nafarroa Bai gant strolladoù broadel arall.
Gant Begoña Errazti eo bleiniet hiziv hag un ezel eus Emglev Libr Europa eo.
