Daimhinis

Daimhinis (Devenish island e saozneg^[1]) zo un enezenn e lodenn izelañ Loch Éirne, en Hanternoz Iwerzhon.

Aspadennoù eus ur manati savet eno gant sant Molaise er VI^vet kantved, war un hent pirc'hirinaj etrezek Cruach Phádraig, a weler eno c'hoazh. Distrujet e voe ar manati e 837 gant Vikinged, hag e 1157 adarre e-kerzh brezelioù etre pennoù klannoù eus Iwerzhon. Adsavet e voe er Grennamzer gant Aogustined ha dediet d'ar Werc'hez Vari. Un tour 25 m uhelder zo war an enezenn ; savet e voe en XII^vet kantved.