Brian

Brian zo un anv-badez brezhonek kozh tremenet en inizi breizhveuriat gant Bretoned deuet gant aloubadeg Gwilherm II (dug Normandi) er Grennamzer. Anavezet e oa e Bro-Iwerzhon ivez. En em strewet en deus an anv en holl bed saoznek, a-wechoù skrivet Bryan pe Bryant. Pevare anv-badez ar baotred a oa e Bro-Saoz ha Bro-Gembre e 1934, ha dic'hizet eo bremañ. War ar c'hiz oa er Stadoù-Unanet er bloavezhioù 1970. Deuet mat eo e Suamerika bremañ, dreist-holl Arc'hantina hag Uruguay, abaoe ar bloavezhioù 1990.

Lidet e vez d'an 18 a viz Kerzu evel Briag. Rannañ a ra ur wrizienn geltiek voutin gantañ : bri hag a dalv « uhelder ».

Kavet e vez ivez evel anv-tiegezh, e Breizh-Veur, e Bro-Iwerzhon (O'Brian, Ó Briain), ha skrivet Briant, Brient ha Briand e Breizh hag e Bro-C'hall.

Kavout a reer ivez an anv-tiegezh Brian en Okitania peogwir eo un anv okitanek kozh hag a dalv kement ha lambrig.^{(Daveoù a vank)}

Tud brudet

Belgia

• Brian Molko (g. e 1972), kaner Placebo a orin stadunanat ha skosat

 Bro-C'hall

• Brian Joubert (g. e 1984), ruziker arzel

Bro-Saoz

• Brien FitzCount (e-tro 1090 – e-tro 1149), priñs
• Brian Houghton Hodgson (1800 pe 1801-1894), etnologour ha naturour
• Bryan Ferry (g. e 1945), soner ha kaner-sonaozer
• Brian May, gitarour ar strollad Queen

 Iwerzhon

• Brian Boru (941–1014), roue
• Brian Ó Nualláin (1911–1966), skrivagner ha kazetenner
• Brian Moore (1921-1999), romantour
• Brian Cowen (g. e 1960), politikour
• Brian Kelly (g. e 1978), mestrc'hoarier echedoù

Kembre

• Brian David Josephson (g. e 1940), fizikour

Manav

• Brian Stowell (1936-2019), skrivagner manavek

Stadoù-Unanet

• Brian De Palma (g. e 1940), filmaozer

Sevenadur

• Brian zo unan eus mibien Tuireann er mojennoù gouezelek
• Monty Python's Life of Brian (1979), ur gomedienn gant ar Monty Python

Pennadoù karr

• Briant
• Briand
• Bryan
• Brien
• Briag (anv)