BMEzine

Eus Wikipedia

BME, pe BMEzine, pe Body Modification Ezine zo unan eus lec'hiennoù-brudañ an doullerien-groc'hen a vicher. Enni e kinnigont skeudennoù korfoù toullet hag ar stalikerezh ha marc'hadourezh a ya da-heul, bravigoù hag all.

Kaoz a vez a-wechoù gante eus istor an toullañ-kroc'hen, hervez ma vez gwelet gante.

Kavet e vez ivez pennadoù savet gant tud da ganañ meuleudi d'an toullgorfañ, e doare ar bruderezh a gaver e kazetennoù zo (da werzhañ mein pe louzoù burzhudus).

Diwar al lec'hienn-se eo savet an darn vrasañ eus pennadoù ar wikipedia saoznek war an toullañ-kroc'hen, hag ar re-se eo mammennoù ar re all. Ouzhpenn-se eo liammet tost kement pennad savet diwar-benn an toullañ-kroc'hen ouzh BMEzine

Bec'h[kemmañ | kemmañ ar vammenn]

Bec'h o deus bet tud BMEzine gant al lezenn en Alamagn hag e SUA abalamour d'ar bruderezh a glaskent ober war-du ar yaouankiz. Diskleriet eo bet dañjet evit ar yaouankiz gant ar Bundesprüfstelle für jugendgefährdende Medien (pe BPjM) ar Rann Gevredadel evit ar Media Noazus d'ar Yaouankiz e 1999.

Rannoù kuzh[kemmañ | kemmañ ar vammenn]

Rannoù kuzh zo bet savet gant daou "embreger kanadian" : Oliver "ding dong" Gingras ha Jean-Michel "houla-hoop" Beaudin.

Serret eo ar rannoù-se eus al lec'hienn evit diwall ar vugale evit doare, abalamour d'ar skeudennoù eus oberoù a vazoc'hegezh reizhel a zo ar penndanvez anezho.

Levrlennadur[kemmañ | kemmañ ar vammenn]

  • Neil Buhrich "The association of erotic piercing with homosexuality, sadomasochism, bondage, fetishism, and tattoos" Archives of Sexual Behavior Volume 12, Number 2 / April, 1983. p. 167-171 DOI 10.1007/BF01541560 [1] Abstract

Liammoù diavaez[kemmañ | kemmañ ar vammenn]