Wine, women and song

Eus Wikipedia
Sauter à la navigation Sauter à la recherche
E saozneg : "Who does not Love Wine Wife & Song will be a Fool for his Lifelong!" E brezhoneg : Neb na gar ket Karantez, Gwin ha Kan a vo nay a-hed e vuhez.

Wine, women and song zo ul lavar saoznek, anv meur a ganaouenn, diwar un dodenn a gaver e meur a sevenadur pe lennegezh, diwar-benn ar vuhez laouen gant gwin, merc'hed, ha kan. Ur bomm heverk eus an hedonouriezh e vefe, un tamm evel carpe diem.

Hendiatris[kemmañ | kemmañ ar vammenn]

Un hendiatris (diwar ἓν διὰ τρεῖς, hen dia treis, "unan dre dri") zo ur bomm klasel, diazezet war tri ger (war daou c'her hepken eo diazezet an hendiadys) tostaet da greñvaat ur mennozh, evel Veni, vidi, vici, Liberté, Égalité, Fraternité, pe tostoc'h dimp citius, altius, fortius, sex, drugs and rock'n'roll, sea, sex and sun.

Yezhoù all[kemmañ | kemmañ ar vammenn]

Bommoù laouen e tri ger evel hemañ a gaver e yezhoù all:

  • en alamaneg – "Wein, Weib und Gesang" (gwin, merc'hed ha kan)
  • e bengaleg (ha Hindi/Sanskriteg) – "Sur, Sura, Sundari" (sonerezh, gwin, maouez)
  • e brezhoneg - "Ar wreg, an arc’hant hag ar gwin O deus o mad hag o binim". Krennlavar ha ne ra meneg ebet eus ar c'han.
  • e bulgareg – "Пиене, ядене и някоя сгодна женица" (evaj, boued, ha maouez vat)
  • e daneg – "Vin, kvinder og sang" (gwin, merc'hed ha kan)
  • en esteg – "Sigarettid ja viinad ja kirglised naised" (sigaretennoù, vodka ha maouezed tomm)
  • e finneg – "Viini, laulu ja naiset" (gwin, kan ha merc'hed)
  • en italianeg – "Bacco, tabacco e Venere" (Bacchus, butun ha Gwener (doueez) )
  • e norgeeg – "Piker, vin og sang" (merc'hed, gwin ha kan)
  • e poleg – "Wino, kobiety i śpiew" (gwin, merc'hed ha kan)
  • e spagnoleg – ur c'hrennlavar kentelius, heñvel ouzh an hini brezhonek : "Naipes, Mujeres y Vino, Mal Camino" (kartoù, maouezed ha gwin, hent fall)
    • e spagnoleg Colombia – "Mujeres, música y trago" (merc'hed, sonerezh hag evaj)
  • e svedeg – "Vin, kvinnor och sång" (gwin, merc'hed ha kan)
  • e tchekeg – "Víno, ženy a zpěv" (gwin, merc'hed ha kan)

A-wechoù e kaver ur ster a zañjer :

  • e gresianeg – "Πύρ, γυνή και θάλαττα" ("tan, merc'hed ha mor")
  • e turkeg - At, Avrat, Silah ("marc'h maouez, arm") .


Kanaouennoù[kemmañ | kemmañ ar vammenn]

En alamaneg[kemmañ | kemmañ ar vammenn]

Brudet eo ar vals Wein, Weib und Gesang, gant Johann Strauss.

An dodenn[kemmañ | kemmañ ar vammenn]

E kan broadel Alamgn, an Deutschlandlied e 1841, e kaver

Deutsche Frauen, deutsche Treue,
Deutscher Wein und deutscher Sang
Sollen in der Welt behalten
Ihren alten schönen Klang,
Uns zu edler Tat begeistern
Unser ganzes Leben lang.