Warren Barguil

Eus Wikipedia
Sauter à la navigation Sauter à la recherche
W. Barguil, Tro Ain 2011

Warren Barguil zo ur marc'hhouarner breizhat ganet d'an 28 a viz Here 1991 en Henbont (Bro-Wened). Krog eo gant ar belo dre ar bicross, e 1998, a-raok mont da redek war an hentoù 6 bloaz war-lerc'h gant kleub Lannarstêr. Hep dale e reas berzh hag adalek 2009 e voe dibabet ingal gant skipailh Bro-C'hall, hini an diwanidi da gentañ ha hini ar yaouankidi da c'houde. E 2012 ez eas gantañ maout Tour de l'Avenir. Meur a skipailh a glaskas neuze tuta anezhañ. En diwezh e choazas Barguil mont da gourser gant Argos - Shimano. Gant ar skipailh izelvroiat e kemeras perzh en un dro veur evit ar wech kentañ: Tro Spagn 2013. Daou dennad a c'hounezas eno, evel Bernard Hinault e 1983. Goude bloaz e achuas ar redadeg spagnol en 8vet renk, peadra da gaout fiziañs en e varregezhioù e-keñver ar redadegoù a-dennadoù.

E 2015 e kemer perzh Warren Barguil e Tro Frañs evit ar wech kentañ. Etre Gwened ha Pluveleg e wiskas ar roched wenn, hini ar gwellañ reder yaouank, e-pad un tennad a-benn d'an eur dre skipailh. "Un deiz ha ne vo disoñjet ganin biken", eme Varguil, goude bezañ suportet gant Bretoned dirollet eus ur penn d'an tennad d'egile.

Skipailhoù[kemmañ | kemmañ ar vammenn]

  • 2012. Argos - Shimano
  • 2013. Argos - Shimano
  • 2014. Giant - Shimano
  • 2015. Giant - Alpecin