Uluru
Uluru (distaget [uluɻu] e pitjantjatjaraeg, [u:lu:'ru:] e saozneg /oulourou/), anavezet ivez gant an anv saoznek Ayers Rock, hag ent-ofisiel Uluru/Ayers Rock, a zo ur pezh mell kleger e mervent Tiriad an Norzh en Aostralia, en un endro blat (348 m a-us d'ar blaenenn). Ul lec'h sakr eo evit an Anangued, ar boblad aborijened eus ar vro. Deuet eo ivez da vezañ un arouez eus Aostralia. Lakaet eo bet war roll glad bedel an Unesco.
Douarouriezh
[kemmañ | kemmañ ar vammenn]En un doare skiantel ez eo un inselberg, ur “menez-enez”. Alies e vez lavaret ez eo ur monolit met n'eo ket ken reizh-se an termenadur-se, met da welet e seblant bezañ evel ur bloc'had hepken.
