Trochilidae

Eus Wikipedia
Trochilidae

Kolibried gant Ernst Haeckel e 1904.
Rummatadur filogenetek
Riezad : Animalia
Skourrad : Chordata
Kevrennad : Aves
Urzhad : Apodiformes
D'ar vevoniezh

e tenn ar pennad-mañ.

Commons
Commons
Muioc'h a restroù diwar-benn

a vo kavet e Wikimedia Commons.

War Wikispecies e vo kavet ditouroù ouzhpenn diwar-benn:

Kerentiad an Trochilidae zo ennañ 328 spesad evnedigoù-lufr[1], evned-kelien[2], pe kolibried[3]. Gant ar ger diwezhañ-mañ e vez graet e meur a yezh dre ar bed evel un termen hollek, met evit ar skiantourien ne dalv nemet evit ur genad anezho, ar genad Colibri.
Termenet e voe e 1825 gant al loenoniour iwerzhonat Nicholas Aylward Vigors (1785-1840)[4], Trochilus ar genad skouer anezhañ.
Evned bihan-bihanik zo anezho, ar re vihanañ er bed : adalek 5 pe 22 cm, betek 35 cm evit ar spesadoù o deus pluñv hir ouzh o lost. Buan-kenañ e luskont o divaskell : 15 pe 80 gwezh bep eilenn.
Pluñv livet flamm zo ouzh o gouzoug pe war o fenn. Cheñch a ra kalz neuz o figos moan hervez ar spesadoù : gallout a ra bezañ pe hir-kenañ pe verr, pe eeun pe kamm da vat. Bihan-bihanik eo o favioù. Kouskediñ a reont e-doug an noz kuit da goll energiezh.

Kavout a reer anezho el lodenn vrasañ eus Amerika an norzh hag Amerika ar su. Stank int en takad neveztrovanel.
Bevañ a reont e meteier disheñvel, e kement lec’h ma kresk ar plant a c’hall pourchas nektar dezhe, adalek live ar morioù betek 5 000 m uhelder. Kalz brasoc’h eo o liested en toleadoù danveneziek.

Bihanañ evned ar bed eo kolibried Elena (Mellisuga helenae) a gaver e Kuba. Ne greskont ket en tu all da 2,5 cm evit daou c'hramm a bouez enno pe war-dro.

Kolibri Naska

Gallout a rafed gwelet ur c’holibri e linennoù Naska.

Iskerentiadoù ha genadoù[kemmañ | kemmañ ar vammenn]

 Daou c'henad en iskerentiad Florisuginae (Bonaparte, 1850)
 C'hwec'h genad en iskerentiad Phaethornithinae (Jardine, 1833)
 Daouzek genad en iskerentiad Polytminae (Reichenbach, 1849)
 Daou c'henad ha tregont en iskerentiad Lesbiinae (Reichenbach, 1853)
 Ur genad en iskerentiad Patagoninae (Bonaparte, 1853)
 Iskerentiad Trochilinae (Vigors, 1825)

Skeudennaoueg[kemmañ | kemmañ ar vammenn]

Liammoù diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]

  1. Frañsez Vallée, Grand dictionnaire français-breton, 1931, p. 131b.
  2. Frañsez Vallée, Grand dictionnaire français-breton, 1931, p. 131b.
  3. Martial Ménard, Dictionnaire français-breton, Palantines, 2012 (ISBN 978-2-35678-069-0).
  4. (en) Trochilidae: Hummingbirds Vigors, 1825.