Torrente, el brazo tonto de la ley
| Titl | Torrente, el brazo tonto de la ley  |
|---|---|
| Heuliet gant | Torrente 2: Misión en Marbella |
| Tachenn | komedienn, black comedy film, film birvidik, film thriller, crime film |
| Bro orin | Spagn |
| Yezh orin ar film pe an abadenn skinwel | spagnoleg |
| Deiziad embann | 13 Meu 1998, 16 Ebr 2015 |
| Sevener | Santiago Segura |
| Senarioour | Santiago Segura |
| Sonaozer | Roque Baños |
| Produer | Andrés Vicente Gómez |
| Dasparzher | ADS Service |
| Lec'h an istor | Madrid |
| Lec'h filmañ | Madrid |
| Liv | liv |
| Prizioù resevet | Goya Award for Best Supporting Actor, Goya Award for Best New Director |
| Bet kinniget evit | Goya Award for Best Supporting Actor, Goya Award for Best New Director, Goya Award for Best New Actor |
| Tudennoù | José Luis Torrente |
| Diaz embann | video diwar c’houlenn |
| NMHH film rating | Category V |
| Lec'hienn ofisiel | http://www.torrentelamaquina.es/ |
Torrente, el brazo tonto de la ley zo ur film spagnol, ur film fent embannet e 1998, sevenet ha c'hoariet gant Santiago Segura ha produet gant Lolafilms. Ar fent implijet zo unan du o c'hoapaat kevredigezh Bro-Spagn (archerien, katoliked, estrenien...). Degemeret eo bet mat gant an arvesterien ha gant ar vurutellerien. Deuet eo da vezañ un heuliad filmoù diazez e sevenadurezh a-vremañ ar vro.
An titl zo bet awenet gant hini ar film Cobra, el brazo fuerte de la ley (Cobra, the strong arm of the law), an titl implijet e Bro-Spagn evit ar film gant Sylvester Stallone hag embannet e 1986.
Enoret eo bet ar c'hentañ film Torrente gant daou Goya Awards ha deuet e oa bet da vezañ ar film o rastellañ ar muiañ a arc'hant en istor ar sinema spagnol. An heuliadoù o deus rastellet muioc'h a arc'hant c'hoazh gant Torrente 2: Misión en Marbella. Undiazez eo bet ar film evit an heuliad filmoù Torrente gant Santiago Segura, hag a chom sevener hag aktour pennañ. An trede film zo anvet Torrente 3: El protector, ar pevare Torrente 4: Lethal Crisis hag ar pemvet a zo Torrente 5: Operación Eurovegas. An daou film diwezhañ zo bet filmet gant ar stumm stereoscopic 3D.
Istor
[kemmañ | kemmañ ar vammenn]José Luis Torrente zo feneant, feuls, techet da evañ, gouennelour, seksist ha broadelour. Skarzhet eo bet eus ar polis spagnol met kenderc'hel a ra d'ober van da vezañ archer. Bevañ a ra en ur ranndi brein e Madrid gant e dad hag a zo en ur gador-ruilh. Lakaat a ra e dad ampechet da c'houlenn an aluzen er straed evit gounit arc'hant.
Evit an dudi e ra van da evezhiañ straedoù Madrid diouzh noz goude bezañ lonket forzh pegement a alkool, o vezañ feuls gant an estrañjourien a vev diwar trafikoù (dramm dreist-holl) ha laerezh anezho.