Timbroù Tobago
Er Mor Karib emañ Tobago, tost-kenañ ouzh Trinidad, trevadenn Breizh-Veur ivez betek 1962.
Timbroù ar Rouantelezh-Unanet a voe implijet war an enezenn e 1856-1857, kachedet e oant gant ur siell A14, met erlerc’hiet goude ar bloavezhioù-se gant re dTrinidad.
E-pad ur prantad-amzer berr (1879-1897) e oa bet moullet timbroù gant an alc’hwez TOBAGO (ha n'eo ket Tobaco a c'heller lenn dre fazi). Ar rummad embannet e 1879 a ginnige deomp poltred ar rouanez Victoria a oa timbroù kemedel anezho e gwirionez. Ur rummad heñvel, nemet gant ar meneg TOBAGO POSTAGE a voe savet e 1888. Adembannet eo bet ar rummad-se teir gwech betek 1897, gant livioù disheñvel, talvoudoù-gwerzh nevez, dreistmoullet a-wechoù.
E 1888 e voe fiziet merañ an enezenn e melestradurezh trevadenn Trinidad, hag e deroù an XXvet kantved e teuas er-maez timbroù dindan anv Trinidad ha Tobago.