Timbroù Lituania
E-kerzh an Xvet pe an XIIvet kantved, pe abretoc’h zoken, e krog istor ar postoù e Lituania ( « Lietuva » e lituaneg) gant ur sistem mesajerezh anvet krivūlė. Ur servij postoù a zo bet savet war droad e 1562, da liammañ kêr Vilnius ouzh Kraków ha Venezia.
E 1918 e Vilnius e voe embannet an timbroù kentañ, anavezet dindan an anv "baltukai".
E 1940 e voe staget ar vro ouzh an Unvaniezh Soviedel. Timbroù lituanian a voe dreistmoullet gant "LTSR" koulz ha re an Unvaniezh Soviedel e Vilnius ha Raseinai (1941).
Gant an arme alaman e voe embannet, evit ar vro aloubet, timbroù gant penn Hitler, warno an dreistmoulladenn "Postgebiet Ob. Ost".
Etre 1945 ha 1990 e veze implijet timbroù an Unvaniezh Soviedel.
E 1990 ez adkavas ar vro he frankiz, ha moullet timbroù diouzhtu (ar rummad "Angelas").
-
Baltukas - 1919
-
Timbr en enor d'an Dug Gediminias – 1920
-
Timbr 1934