Thérèse Peltier
 Thérèse Peltier
| |
|---|---|
 D'ar 17 a viz Gwengolo 1908 | |
| Ganedigezh | Thérèse Cochet 26 Gwengolo 1873 Orléans |
| Marv | 18 C'hwevrer 1926 Pariz |
| Broadelezh |  Gall
|
| Micher | Kizellerez |
Thérèse Peltier, bet ganet Marie Thérèse Juliette Cochet d'ar 26 a viz Gwengolo 1873 en Orléans ha marvet d'an 18 a viz C'hwevrer 1926 e Pariz, a oa ur gizellerez ha nijerez c'hall.
Brudet eo evit bezañ bet ar vaouez kentañ o tibradañ war bourzh un nijerez e miz Gouere 1908, hag al levierez kentañ.
Merc'h ul likorour e oa Thérèse Cochet. D'an 18 a viz Kerzu 1893 e timezas gant Alfred Peltier, ur mezeg er morlu a-raok dezhañ bezañ anvet e Pariz. Eno e heulias-hi kentelioù kizellerezh, hag e 1907 e voe deroet dezhi Priz ar c'hizellerezh gant an Union des Femmes Peintres et Sculpteurs.
En nevezamzer 1908 ez eas gant e vignon kozh ar c'hizeller ha nijer Léon Delagrange (1872–1910) da Italia, ma nijas gantañ d'an 8 a viz Gouere e Torino a-hed 200 metr ; dre-se e voe Thérèse Peltier an dreizhiadez kentañ war bourzh un nijerez. Nebeut goude e kemeras kentelioù leviañ digant Delagrange, neuze e voe-hi ar vaouez kentañ o teskiñ kas un nijerez.
Goude un nebeud kentelioù e voe lezet da nijal en he unan en Issy-les-Moulineaux (Hauts-de-Seine hiziv) e miz Gwengolo ; al levierez kentañ e voe neuze.
Ned eas ket pelloc'h avat rak mantret e voe a-c'houde marv he mignon d'ar 4 a viz Genver 1910 pa dorras askell e nijerez Blériot XI.
Biskoazh ne dapas he breved levierez, hag ankaouaet e oa pa varvas e Pariz e 1926.
-
Léon Delagrange ha Thérèse Peltier
d'an 8 a viz Gouere 1908
Levrlennadur
[kemmañ | kemmañ ar vammenn]- (fr) MARCK, Bernard : Elles ont conquis le ciel – 100 femmes qui ont fait l'histoire de l'aviation et de l'espace, Arthaud, 2009 (ISBN 978-2-7003-0121-2)
- (fr) MARCK, Bernard : Histoire de l'aviation, Flammarion, 2012 (ISBN 978-2-08-128010-6)
- (en) LEBOW, Eileen F. : Before Amelia – Women Pilots in the Early Days of Aviation, Potomac Books, 2003 (ISBN 978-1-57488-532-3)
Liammoù diavaez
[kemmañ | kemmañ ar vammenn]- (fr) 'Mémoires de la Société d'agriculture, sciences, belles-lettres et arts d'Orléans'. Kavet : 24 Mezheven 2019.
- (fr) 'L'Aérophile, 1908. Kavet : 24 Mezheven 2019.
- (fr) 'Les femmes et l'aéronautique'. Kavet : 24 Mezheven 2019.
- (fr) 'Air Charter Service'. Kavet : 24 Mezheven 2019.
- (en) 'Lawrence Hargrave – The Pioneers'. Kavet : 24 Mezheven 2019.