The Bard's Tale (1985)
| The Bard's Tale | |
|---|---|
| |
| Diorroer | Interplay Entertainment |
| Endro | Lies-savenn (NEC PC-9801, Amiga, Amstrad CPC, Atari ST, Apple II) |
| Yezhoù | Lies-yezh |
| Doare | C'hoari roll |
Ur c’hoari video savet gant Interplay Productions eo The Bard’s Tale: Tales of the Unknown hag embannet gant Electronic Arts war Apple II ha Commodore 64 e 1985. Embannet e oa bet ivez war Amiga, Atari ST, DOS, Amstrad CPC, ZX Spectrum ha Nintendo Entertainment System. Unan eus ar c'hoariou video kentañ a zo bet levezonet gant ar c'hoari den brudet kenan: Kevioù hag erevent.
Pal ar c'hoari a zo kavout Mangar an hudour drouk, gantan skornet razh an douaroù en-dro Kêr Skara Brae a-benn difenn an dud da vont er-maez pe e-barzh ar gêr. Bremañ e vez kavet kalz a grouaderezed iskis ha drouk e straedoù ar gêr.
Ar C'hoari[kemmañ | kemmañ ar vammenn]
E penn kentañ ar c'hoari e vez tu da grouiñ meur a dudenn gant micherioù disheñvel : Barzhed, stourmerien, marc'hegerion, huderion, menec'h, laeron, hemolc'hourien hag a ouennoù disheñvel: mab-den, korred, kornandoned, korriganed (hobbit), elfoù, orc'hed.
Goude eo ret mont e kêr evit furchal e milendall (ur c'hraou en un davarn, kastelioù, ur c'hatakomb). Ar c'hoarier a oa ret dezhañ tresañ kartennoù war follennoù paper evit dont a-benn d'adkavout e hent. Diaes-tre e oa ar c'hoari-se.
Liammoù a-diavaez[kemmañ | kemmañ ar vammenn]
- (en) The Bard's Tale - Decklin's Domain