Théodore Chassériau

Eus Wikipedia
Sauter à la navigation Sauter à la recherche

Théodore Chassériau a oa ul livour gall. Ganet eo bet d'an 20 a viz Gwengolo 1819 e Santa Bárbara de Samaná (bremañ er Republik Dominikan). Aet eo da Anaon d'an 8 a viz Here 1856 e Pariz.

Tremenet en deus bloavezhioù kentañ e vuhez war enezenn Hispaniola ("Santo Domingo" pe "Saint Domingue") e El Limón de Samaná. Savet eo bet gant e vamm Marie-Madeleine Couret de la Blaquière (1791-1866). Ne veze ket gwelet e dad alies. Bet eo bet Benoît Chassériau ministr an Diabarzh Simón Bolívar e-pad ur mare, koñsul Frañs e Puerto Rico. Ar mab henañ Frédéric-Victor-Charles Chassériau a rae war-dro ar familh hag a lakas e vreudeur ha c'hoarezed da zont da Bariz e 1822.

Bet eo bet Théodore Chassériau skoliad Dominique Ingres etre 1830 ha 1834. Dedennet eo bet Thépophile Gautier gant oberennoù Chassériau adalek ar bloavbvezhioù1 1830. Kejet o doa pa oa Chassériau 14 vloaz ha prizañ a reas e oberennoù er gelaouenn La Presse. E 1839 e tiskouezas Chassériau Suzanne au baine saloñs al livourien. E 1840 ez eas da Roma gant al livour Henri Lehman. Eno e livas poltred Henri-Dominique Lacordaire.

Bamet oa ouzh oberenn Eugène Delacroix ha dedennet eo bet gant ar "Reter". Pedet e voe gant kalif Konstantin (Aljeria) Ali Ben Ahmed e 1846 . Livadurioù emgannoù war varc'h pe merc'hed Aljer a reas eno. Diskouez a reont e varregezh evit ar fiñv hag al livioù.

Kuzuler Stad a oa e vreur henañ hag ur mignon da Alexis de Tocqueville. Sikouret en deus anezhañ da gaout urzhiad murlivadurioù skalier bras Lez ar C'hontoù a oa d'ar mare-se e Palez Orsay a zo bet devet e-pad Kumun Pariz. Livet int bet etre 1845 ha 1848 met ne chom nemet un toullad tammoù hag a zo miret el Louvre. E-touez e oberennoù pouezusañ e oant.

En e doare e veske levezon stumm klasel Ingres hag hini entan romantel Delacroix.

Bet eo bet ar gomedianez Alice Ozy e vestrez e-pad daou vloaz.

Bet eo bet graet merc'heg al Lejion a enor d'an 3 a viz Mae 1843.

Aet eo da Anaon en e ranndi 2, straed Fléchier e 9vet arondisamant Pariz d'an 8 a viz Here 1856. 37 vloaz e oa.

Reiñ a reas e vreur henañ damdresadennoù e vurlivadurioù da gêr Pariz. Klaz eus e oberennoù zo bet roet da virdioù broadel Frañs  : e 1936 unan eus e gendirvi a roas 74 livadur ha 2200 tresadenn bennak en doa dastumet a-hed e vuhez.

Gellout a reer gwelout oberennoù Chassériau hirie el Louvre (ur sal a zo gouestlet dezho eno), e Mirdi Orsay, e Metropolitan Museum New York, e Fogg Art Museum Skol-veur Harvard pe e National Gallery of Art Washington, D.C. peutgetket...

Mirdioù amerikan evel Detroit Institute of Arts, Museum of the Art Rhode Island School of Design, J. Paul Getty Museum ehag Art Institute of Chicago o deus oberennoù gant Chassériau ivez.

An diwezhañ diskouezadeg vras diwar e benn a zo bet dalc'het e 2002 er Grand Palais e Pariz a-raok mont d'ar Metropolitan Museum e New York hag e Mirdi an Arzoù-Kaer e Straßburg.

Interet eo bet e bered Montmartre e Pariz.

Oberennoù[kemmañ | kemmañ ar vammenn]

  • 1835 : Aline Chassériau(mirdi al Louvre)
  • 1836 : Ernest Chassériau (mirdi al Louvre) ; Caïn maudit ; Portrait d'Aline Chassériau, tresadenn (Fogg Art Museum of Harvard) ; L'Enfant et la poupée (poltred Laure Stéphanie Pierrugues), dastumad prevez ; Retour de l'enfant prodigue.
  • 1837 : Ruth et Booz
  • 1838 : Vénus marine anvet ivez Vénus Anadyomène (mirdi al Louvre)
    Vénus marine anvet ivez Vénus Anadyomène, 1838, Mirdi al Louvre - Pariz
  • 1839 : Suzanne au bain (mirdi al Louvre) ; Isaure Chassériau.
  • 1840 : Andromède attachée au rocher par les Néréides (Mirdi al Louvre) ; Henri Lacordaire (e kloastr Santa-Sabina e Roma),(mirdi al Louvre) ; Jeune prêtre(Detroit Institute of Arts) ; Le Christ au jardin des oliviers (Mirdi an Arzoù-kaer e Lyon) ; Diane surprise par Actéon, 55 × 74 cm.
  • 1841 : Esther se parant pour être présentée à Assuérus anvet ivez La toilette d'Esther (mirdi al Louvre);
    Esther se parant pour être présentée au roi Assuérus, anvet ivez La toilette d'Esther, 1841, eoul war lien, 45x35 cm, Mirdi al Louvre - Pariz
     ; Portrait de Jeune Femme aux Colliers de Perles (Fogg Art Museum of Harvard) ; Portrait de La Comtesse de Marie d'Agoult (tresadenn ha livadur) ; Charlotte de Pange (1816-1850) (Metropolitan Museum of Art, New York)
  • 1842 : Trois scènes de la vie de Sainte Marie l'Egyptienne (mirdi al Louvre) ; La baigneuse (vue de dos) (e Neue Pnakotek München) ; Amiral Baron Guy-Victor Duperré, tresadenn (Detroit Institute of Arts) ; Les Captives troyennes ; Descente de croix (Saint-Étienne, iliz Sainte-Marie. Saloñs 1842).
  • 1843 : Les deux sœurs (Aline hag Adèle, c'hoarezed Théodore) (mirdi al Louvre) ; Marie l’Égyptienne, murlivadur en iliz Saint-Merri e Pariz.
  • 1844 : Apollon et Daphné (mirdi al Louvre) ; Le Christ au Jardin des oliviers , ur stumm disheñvel-mik diouzh hini 1840 (iliz Abati Souillac e departamant al Lot) ; 1844-1848 : La Paix, kinkladur skalier Lez ar C'hontoù e Pariz , murlivadurioù bet savetaet gant Komite Chassériau(mirdi al Louvre).
  • 1845 : Ali-Ben-Hamed, calife de Constantine,(mirdi Versailhez); Cléopâtre se donnant la Mort ; Portrait de femme.
  • 1846 : Baronne Charles Frédéric Chassériau née Joséphine Warrain, tresadenn (Art Institute of Chicago) ; Portrait de M. Félix Barthe, tresadenn (Museum of the Art Rhode Island School of Design)
  • 1848 : L'Actrice Alice Ozy, tresadenn (Detroit Institute of Arts); Mademoiselle Cabarrus (Mirdi an Arzoù-kaer e Kemper).
  • 1849 : Le Coucher de Desdémone (mirdi al Louvre) ; Héro et Léandre, anvet Le Poète et la Sirène (mirdi al Louvre) ; 1849-1851: Femme de pêcheur de Mola di Gaete embrassant son enfant (Museum of the Art Rhode Island School of Design ha mirdi al Louvre).
  • 1850 : Baigneuse endormie près d'une source ; Femmes Maures ; Cavaliers arabes ; La Tentation de Saint Antoine ; Young Moorish Woman Nursing her Child,(Metropolitan Museum of Art, New York) ; Le baptême de l'eunuque ; poltred Alexis de Tocqueville, tresadenn .
  • 1851 : Femme et fillette de Constantine avec une gazelle ; Portrait of Raymond de Magnoncourt, tresadenn (The J. Paul Getty Museum).
  • 1852 : Chefs de tribus arabes se défiant en combat singulier, sous les remparts d'une ville (mirdi Orsay e Pariz) ; Cavaliers arabes emportant leurs morts, après une défaite contre des Spahis (daou stumm a gaver, unan e mirdi al Louvre hag unan all er Fogg Art Museum e Harvard) ; Le Christ chez Marthe et Marie
  • 1853 : kinkladur iliz Saint-Roch e Paris ; Tepidarium de Pompei (mirdi Orsay e Pariz) ; La Défense des Gaules (mirdi arz Roger-Quilliot e Clermont-Ferrand)
  • 1854 : Macbeth apercevant le spectre de Banco ; Intérieur de Harem, livadur a 66 x 53,5 cm (Mirdi an Arzoù-kaer e Straßburg)
  • 1855 : Macbeth suivi de Banco rencontre les Trois Sorcières sur la Lande ; kinkladur iliz Saint-Philippe-du-Roule e Pariz ; Juives de Constantine ; Combat de cavaliers arabes (Fogg Art Museum of Harvard)
  • 1856 : Othello et Desdémone ; Desdémone .
  • Hep bloavezh meneget : La Petra Camera, 32,2 × 23,4 cm, (Mirdi an Arzoù-kaer e Budapest) ; Prosper Marilhat (1811-1847) ; La Princesse de Belgioioso (tresadenn ha livadur) ; La Princesse Cantacuzène (tresadenn ha livadur) ; Roméo et Juliette (mirdi al Louvre); Halte de Spahis auprès d'une Source (mirdi al Louvre) ; Le Bon Samaritain (mirdi al Louvre) ; Saint François Xavier baptisant les Indiens et les Japonais ; Sapho se précipitant du Rocher de Leucate.