Suzanne Collins
| Suzanne Collins | |
|---|---|
 Suzanne Collins e gala Time e miz Mae 2010 | |
| Obererezh | romantoù, senario |
| Ganedigezh | 10 a viz Eost 1962 e Hartford, Connecticut, SUA |
| Yezh skrivañ | saozneg |
| Rumm lennegel | Fantasy, skiant-faltazi |
| Oberennoù pennañ | |
| The Hunger Games | |
| Lec'hienn ofisiel | www.suzannecollinsbooks.com/ |
kemmañ  |
|
Suzanne Collins (10 a viz Eost 1962 e Hartford, Connecticut, SUA) a zo ur skrivagnerez stadunanat a skriv abaoe 1991. Senariooù programmoù skinwel evit ar vugale eo a vez skrivet ganti. Brudet eo deuet da vezañ gant he zeiroberenn The Hunger Games.
Buhez[kemmañ | kemmañ ar vammenn]
Abaoe 1991 e skriv Suzanne Collins senariooù hag istorioù skinwel evit ar yaouankiz. Tro he deus bet da labourat evit an embregerezh Nickelodeon da skouer. Istorioù evit ar vugale bihan-tre he deus bet skrivet ha pennskrivagnerez Entertainment Clifford's Puppy Days eo bet ivez.
P'edo o labourat war ar programm skinwel Generation Oh! e kejas gant bugale ar skrivagner James Promios. Da-heul ar gejadenn-se e teuas c'hoant dezhi da skrivañ levrioù evit ar vugale, hag evel-se e krouas tudenn Gregor, ma kaver dodennoù heñvel ouzh re Alis e bro ar marzhoù.
The Hunger Games[kemmañ | kemmañ ar vammenn]
E miz Gwengolo 2008 e voe embannet The Hunger Games gant Scholastic e SUA[1]. El levr e kaver dave da mojenn Theseüs hag ar Minotaor hag ivez da vuhez tad ar skrivagnerez[2].
E miz Gwengolo 2009 e voe embannet an eil lodenn, Catching Fire he zitl hag e miz Eost 2010 e teuas er-maez al lodenn ziwezhañ, Mockingjay he zitl[3]. Dindan pevarzek miz e voe gwerzhet 1,5 milion a skouerennoù eus an div levrenn gentañ e Norzhamerika[4], hag en holl e chomjont 60 sizhunvezh-pad e roll al levrioù gwerzhet ar muiañ embannet gant New York Times.[4].
Lakaet eo bet lodenn an deiroberenn da film gant Gary Ross[5],[6]. Gant Suzanne Collins eo bet savet ar senario[6], hag en nevezamzer 2011 e voe kroget ar filmañ. Er film e kaver Jennifer Lawrence a c'hoari perzh Katniss Everdeen[7], Josh Hutcherson (Peeta Mellark) ha Liam Hemsworth (Gale Hawthorne)[8].
Ken brudet eo deuet Suzanne Collins ken eo bet lakaet e-touez tud pouezusañ 2010 gant skipailh Time[9]. E miz Meurzh 2012 e voe embannet gant tud skourr amerikan Amazon e oa levrioù Suzanne Collins ar re gwerzhet ar muiañ er stumm Kindle[10],[11].
Oberennoù[kemmañ | kemmañ ar vammenn]
- Gregor the Overlander (2003)
- Gregor and the Prophecy of Bane (2004)
- Gregor and the Curse of the Warmbloods (2005)
- Gregor and the Marks of Secret (2006)
- Gregor and the Code of Claw (2007)
- Teiroberenn The Hunger Games
- The Hunger Games (2008)
- Catching Fire (2009)
- Mockingjay (2010)
- Levrioù all
- Fire Proof: Shelby Woo #11 (1999)
- When Charlie McButton Lost Power (2005)
- When Charlie McButton Gained Power (2009)
Notennoù[kemmañ | kemmañ ar vammenn]
- ↑ Suzanne Collins : Planning the Trilogy, https://web.archive.org/web/20090212153709/http://www.scholastic.ca/thehungergames/videos/planning-the-trilogy.htm, Scholastic
- ↑ Suzanne Collins : A Conversation with Suzanne Collins, Q & A., http://www.scholastic.com/thehungergames/media/qanda.pdf, Scholastic
- ↑ Keith Staskiewicz, Final 'Hunger Games' novel has been given a title and a cover, http://shelf-life.ew.com/2010/02/11/final-hunger-games-novel-has-been-given-a-title-and-a-cover/, Entertainment Weekly, 2010-02-11
- ↑ 4,0 ha4,1 Suzanne Collins, Suzanne Collins's Third Book in The Hunger Games Trilogy to be Published on August 24, 2010, http://mediaroom.scholastic.com/node/270, Scholastic
- ↑ http://www.publishersweekly.com/article/CA6643639.html?industryid=47141, Hungry? The Latest on 'The Hunger Games', John A. Sellers, 2009-03-12, Publishers Weekly
- ↑ 6,0 ha6,1 Jay A. Fernandez Borys Kit, Lionsgate picks up 'Hunger Games', http://www.hollywoodreporter.com/hr/content_display/news/e3ic096395f454426da4ab38f45275a12fc, The Hollywood Reporter, 2009-03-17
- ↑ Weinstein, Joshua L. "Jennifer Lawrence Gets Lead Role in 'The Hunger Games'", TheWrap.com. 16 March 2011
- ↑ http://www.hungergamesfan.com/2011/04/hunger-games-peeta-and-gale-casting-responses/, HungerGamesfan.com, Hunger Games Peeta and Gale Casting
- ↑ Lizzie Skurnick : The 2010 Time 100: Suzanne Collins, https://web.archive.org/web/20120701080959/http://www.time.com/time/specials/packages/article/0,28804,1984685_1984940_1985512,00.html, Time, 2010-04-29
- ↑ https://web.archive.org/web/20160411203757/http://phx.corporate-ir.net/phoenix.zhtml?c=176060&p=irol-newsArticle&ID=1673532&highlight=, Hungry for Hunger Games: Amazon.com Reveals the Top Cities in the U.S. Reading The Hunger Games Trilogy
- ↑ http://www.beyond-black-friday.com/2012/03/17/who-is-the-best-selling-kindle-author-of-all-time/, Who is the Best-Selling Kindle Author of All Time?