Junkers Ju 87
| Junkers Ju 87 | |
| |
| Junkers Ju 87 | |
| Deskrivadur | |
| Kefridioù | Bombezer |
| Farder | Junkers Flugzeug und Motorenwerke AG  Alamagn
|
| Ergrafer | Ernst Zindel |
| Implijer kentañ | Luftwaffe |
| Skouerennoù | 6 500 |
| Tresoù (kentel ar Ju 87) | |
| |
Ar Junkers Ju 87 berraet e Ju 87 ha lesanvet Stuka, e servij etre 1937 ha 1945, a zo ar c'harr-nij bombezadeg a-bik anavezetañ (alamaneg: « Sturzkampfflugzeug », pe « Stuka » berraet) eus al Luftwaffe. Implijet e voe dreist-holl e-pad an Eil Brezel-bed. Ar ger « Stuka » en alamaneg a dalvez evit an holl garbedoù bombezadeg a-bik. Koulskoude, dre implij ar Ju 87 e-pad an Eil Brezel-bed hag ar brud eus ar c'harr-nij e chomo an anv stag outañ.
Tro 6 500 Ju 87 a voe produet gant an embregerezh kirri-nij Junkers (ar bombezer dre a-us ar muiañ produet a voe ar Curtiss SB2C Helldiver stadunanat gant 7 140 skouerenn).
Krouidigezh
[kemmañ | kemmañ ar vammenn]Ar c'hentañ karbed arnod eus ar Ju 87 a oa nijet e 1935. Savet e oa gant houarn nemetken, bez e oa dija un askell e-stumm ur W. Kaset e oa war-raok gant ur motor Rolls-Royce Kestrel a 640 marc'h, distabil da vat e oa ha ken diaes da chom mestr warnañ e voe distrujet en taolioù-arnod.
An eil karbed arnod, marilhet D-UHUH, a gemeras perzh e kenstrivadeg ar bombezerioù a-bik e Meurzh 1936.
C'hwitellerez-tro
[kemmañ | kemmañ ar vammenn]Ar c'hirri-nij Ju-87 a oa dafaret gant c'hwitellerezioù-tro lakaet ouzh an troad douarañ, hag a oa lesanvet "trompilh Jeriko". Ur rod-viñs a oa hag a fiñve hervez an avel krouet gant fiñvoù ar c'harr-nij. Ar pal e oa krouiñ ur son skiltr pa spluje ar c'harr-nij evit tagañ.
Ar son skiltr-se kendeuzet buan gant ur bombezadeg spluj a oa e bal lakaat da sevel ur barrad aon d'an drevourien ha da saozaniñ ar soudarded a-raok ma grogfe ar vombezadeg.
A-wechoù ez eus bet lavaret e veze implijet a-benn gouzout, evit ar blenier karr-nij, peseurt tizh a oa gant e garbed en ur selaou ouzh an trouz met hep tennañ e zaoulagad diouzh an enebourien.
Lod tud a embann ez eo ur vojenn ar c'hwitellerezed-tro war ar Stuka en ur ziazezañ o c'haoz war oberenn Hans Ulrich Rudel « Stuka pilot», met pa lenner an oberenn n'eo ket ken sklaer ha se. War an tu all, skiantourien istor ar c'hirri-nij a laka war-wel sklaer an implij e-pad Emgann Frañs e 1940, ha war-lerc'h.
Poltriji a zo test eus ar c'hwitellerezioù-tro war Stukaoù 'zo er Frañs e 1940, met ivez e-pad brezeliadenn ar Balkanioù e 1941, ha memes war talbenn ar Reter betek 1943.