Strizh-mor Bering
| Rann eus | Meurvor Habask, Meurvor skornek Arktika  |
|---|---|
| Anvet diwar | Vitus Bering |
| Stad | Rusia |
| E tiriad | Alaska |
| Daveennoù douaroniel | 65°45′0″N 168°58′37″W |
| Coordinates of geographic center | 65°51′41″N 168°53′11″W |
Emañ 'Strizh-mor Bering etre Kab Dejnev (Siberia, Rusia), hemañ al lec'h reterañ (169°43' W) a zo en Azia, ha Kab Priñs Kembre (Alaska, SUA), hennezh al lec'h kornôkañ (168°05' W) e Norzhamerika. Emañ al lodenn strishañ un tammig er Su da Kelc'h Arktika (65° 40' N) ha war-dro 83 km eo e ledander pa 'z eus un donder etre 30 ha 50 m.
Un nor etre Mor an Dchoutchked, ul lodenn eus Meurvor Skornek Arktika, ha Mor Bering, ul lodenn eus ar Meurvor Habask, eo.
Anvet eo bet ar strizh-mor goude Vitus Bering, un ergerzher danat a oa o labouarat evit ar Rusianed pa dreuzas ar ganol-vor e 1728.
E kreiz ar strizh-mor emañ an Inizi Diomed (SUA), ma 'z eus ur gêriadenn gant ur skol vihan.
Kinniget ez eus bet meur a wech sevel ur pont pe un tunel danvor evit kenliammañ Siberia hag Alaska ; koulskoude e oa ur pont-douar naturel e-pad Oadvezh ar Skorn, anavezet evel pont-douar Bering.
E miz Meurzh 2006, ar Breizhveuriad Karl Bushby hag ar reder-bro gall-ha-stadunanat Dimitri Kieffer a dremenas war droad war ar mor skornet oc'h ober 90 km dindan ur pemzektez, met ne voent ket aotreet gant ar warded da vont pelloc'h e Rusia ha lakaet e voent en toull-bac'h evit ur frapadig.
-
Kartenn-verdeiñ Strizh-mor Bering
Liammoù diavaez
[kemmañ | kemmañ ar vammenn]- (en) 'Epic explorer crosses frozen sea (BBC). Kavet : 08/01/2024.