Star Wars: Episode IV – A New Hope
| Rann eus | National Film Registry  |
|---|---|
| Anv berr | Siih Náhásdlįįʼ |
| Titl | Star Wars |
| Anv kuzh ar raktres | Blue Harvest |
| Assessment | Test Bechdel, reverse Bechdel Test, Mako Mori test |
| Heuliad | Star Wars, Star Wars original trilogy |
| Heuliet gant | The Star Wars Holiday Special |
| Tachenn | Space opera, film skiant-faltazi, film birvidik, film avantur, coming-of-age film |
| Bro orin | Stadoù-Unanet |
| Yezh orin ar film pe an abadenn skinwel | saozneg |
| Levezonet gant | The Dam Busters, Dune, The Hidden Fortress |
| Sevener | George Lucas |
| Senarioour | George Lucas |
| Aktour mouezh | James Earl Jones |
| Produer dileuriet | George Lucas |
| Rener ar skeudennaouiñ | Gilbert Taylor |
| Frammer filmoù | Paul Hirsch, Marcia Lucas, Richard Chew, George Lucas |
| Production designer | John Barry |
| Penn ar sevel kostumioù | John Mollo |
| Sonaozer | John Williams |
| Produer | Gary Kurtz, Rick McCallum, George Lucas |
| Embregerezh produiñ | Lucasfilm |
| Pladenn ar sonerezh | Star Wars, The Story of Star Wars – Dialogue and Music from the Original Motion Picture Soundtrack |
| Lec'h an istor | Tatooine, Death Star, Yavin 4 |
| Lec'h filmañ | Guatemala, Kalifornia, Tunizia, Arizona |
| Aspect ratio (W:H) | 2.35:1 |
| Liv | liv |
| Hollved faltaziek | hollved Star Wars |
| Diaz embann | video diwar c’houlenn |
| Australian Classification | PG |
| Renkadur ar CNC | holl bublik |
| Renkadur ar CNC (Roumania) | A.P. - 12 |
| Renkadur EIRIN film | G |
| Renkadur Kijkwijzer | 12 |
| Renkadur MPAA | PG |
| Lec'hienn ofisiel | https://www.starwars.com/films/star-wars-episode-iv-a-new-hope |
| Deskrivet en URL | http://www.movist.com/movist3d/movie.asp?mid=110 |
| Renkadur Medierådet | 12 vloaz pe ouzhpenn |
| Frañchiz media | Star Wars |
| Endro e-lec'h e tispak | fictional desert planet, fictional moon, fictional space station |
Star Wars a zo ur film stadunanat doare space opera deuet er maez e 1977, skrivet ha sevenet gant George Lucas. Adalek ar bloavezh 2000 ez eo adtitlet da Star Wars Episode IV: A New Hope ("Star Wars Rann IV : Ur Spi nevez") goude ma vije deuet ar rann I (en ur mod kronologel) er-maez
Kentañ film ar saga Star Wars eo dre e vloavezh dont er-maez, met ar pevare film hervez linenn gronologel hollved Star Wars an hini eo. Kentañ rann an teir-oberenn orin eo. Trede film hir George Lucas eo ivez.
Diverrañ
[kemmañ | kemmañ ar vammenn]Darvoudoù ar film a dremen 19 bloaz goude darvoudoù Dial ar Sith (deuet er-maez e 2005). Kontañ a ra troioù an Emglev Rebell, un aozadur hag a glask distruj Steredenn ar Marv, ul lestr egor ment un loar a c'hell distrujañ ur blanedenn en he fezh, krouet gant an Impalaeriezh Galaktek. Tapet daoust dezhañ er berc'h galactikel, ar micherour labour-douar yaouank Luke Skywalker a roll gant an tu rebell goude ma voe lazhet e familh gant soudarded impalaerel. Dizoloet gantañ galloudoù an Nerzh diwar kelenn e mentor Obi-Wan Kenobi, drouklazhet buan gant ar fallakr Dark Vador, Luke a implijo e c'halloudoù nevez evit distruj Steredenn ar Marv e dibenn ar film.
Istor sevenadur ar film
[kemmañ | kemmañ ar vammenn]Kroget e oa George Lucas da skrivañ ar senario e 1973. Daou vloaz e oa padet rakproduiñ ar film. Troet e oa bet etre miz Meurzh ha miz Gouere 1976, e studioioù Elstree e Bro-Saoz evit an darn vrasañ, met e Tunizia evit maeziadoù ar blanedenn Tatooine ivez. Savet ha renet eo bet sonerezh ar film gant John Williams. Amlaouen eus efedoù ispisial e film e voe adaozet e 1997 gant efedoù niverel.
Awenet eo ar film gant ar westernioù, ar filmoù sabr, ar filmoù brezel hag ar stiradoù skiant-faltazi. Implijout a ra beaj an haroz evel diazez da gontañ an istor. Ur spi nevez a zo un trec'h kenwerzhel ha buruellat. Aet eo kalzig prizioù gantañ, en o zouez seizh Oscar.
Tudennoù pennañ
[kemmañ | kemmañ ar vammenn]- Luke Skywalker : ur paotr yaouank desavet en un ti-feurm gant e eont Owen hag e moereb Beru war ar blanedenn dezerzel Tatooine. Barrek eo evit ar mekanikoù hag ar bleniañ. Un huñvre a zo gantañ hepken, kuitaat ti-feurm ar familh evit mont da vevañ troioù-kaer.
- Han Solo : ur floder o labourat evit an trafiker galloudus Jabban en Hutt an hini eo. E-kerzh ur veaj flodiñ ez eo lakaet war harz gant ur vatimant impalaerel. Evit chom hep bezañ harzet e banno en ec'honder e vac'hadourezh. Adalek an darvoud-se e c'houlenn Jabba un digoll evit bezañ distrujet e vac'hadourezh.
- Prinsez Leia Organa : merc'h adverc'hed Bail Organa, unan eus pennoù bras an Emglev Rebell eo hi. Tremenet en deus he bugaleaj war ar blanedenn sioul Alderaan. Abred eo en em lañset war ar politikerezh hag eo emellet ouzh an nerzhioù rebell. Deuet eo da vezañ senadourez he flanedenn, hag e implij he divec'h diplomatel evit unaniñ eneberien an impalaerezh.
- Moff Bras Tarkin : a-orin eus ur familh aristokratel galloudus, choazet en deus ober e hent evel ofiser milourel. Ambision a zo gantañ met morc'hed ebet, ha buan ez eo merzhet gant an impalaer da zont Palpatine hag a aesao e grapadenn e-kerzh brezel ar c'hlonoù. Da c'houde embannadenn an Impalaeriezh Galaktek ez eo anvet Tarkin d'ar grad milourel uhelañ a Moff Bras. Fiziet eo neuze e Tarkin kiriegezh aozadur un arm sekret : Steredenn ar Marv.
- Obi-Wan Kenobi : ur marc'heg Jedi, a zo bet mentor ha mignon Dark Vador. Goude ma vije bet cheñchet tu gant egile e rank Obi-Wan herzel anezhañ. Goude o emgann ez eo gloazet-bras Vador hag ampechet. Da heul an darvoudoù-se ez aio Obi-Wan en harlu war Tatooine e-lec'h ma tiwallo mab e mignon kozh : Luke Skywalker.
- C-3PO : un droid protokol meizet evit an darempredoù etre an dud hag an droided all eo. Komper R2-D2 eo. Perc'hennet eo gant kabiten ar lestr-egor a vez o transportiñ ar brinsez Leia e-kerzh he c'hefredioù diplomatel.
- R2-D2 : un droid atromekanikour meizet evit renkañ ha leviatañ listri-egor. Ar memes perc'hen evit C-3PO a zo gantañ. Ennañ ez eo fiziet gant ar briñsez Leia ur c'hefridi pouezus-meurbet.
- Chewbacca : eil levier ha mekaniker lestr-egor Han Solo eo. Ur Wookie bras eo. Gantañ e vez goulennet gant Obi-Wan o c'has da Alderaan.
- Dark Vador : deskard an impalaer hag e letanant feal eo. Ur Jedi deuet da Sith eo. E emgann gant Obi-Wan Kenobi a lezo anezhañ gloazet-bras. Ne c'hell chom bev nemet gant harp un harnez du robotikel. Karget eo gant an impalaer Palpatine da zreseal hag en em zizober eus ar rebelled.