Sant Millán
| Emilianus | |
|---|---|
 Manati San Millán de Yuso | |
| Abad | |
| Ganet | c. 473 e La Rioja, Navarra, Spagn |
| Marvet | c. 572 e Spagn |
| Santual pennañ | Manati San Millán de Yuso San Millán de la Cogolla |
| Gouel | 12 a viz Du |
| Arouezioù | Ur manac'h war ur marc'h |
| Paeroniezh | Spagn |
Sant Millán, pe Emiliano, anavezet ivez evel Aemilianus, Aemilian, Millán de la Cogolla pe de la Gogolla, pe Emilian of Cucullatus, a oa ur sant spagnol (473-572).
E La Rioja e oa maesaer a-raok mont da benitiour. En digenvez e tremenas 40 vloaz er menezioù war-dro Burgos. Pa oa 60 vloaz e voe beleget gant eskob Tarazona.
Beleg e voe e parrez Berceo. Ret e voe dezhañ dilezel e garg en abeg d'e garitez dreistmuzul, ha da benitiour ez eas adarre.
Hervez reolenn Urzh Sant Benead e voe diazezet manati San Millán Yuso e San Millán de la Cogolla, al lec'h m'edo e beniti. Ur paeron da Spagn eo.
Poltredet eo bet evel ur manac'h war varc'h o stourm ouzh ar Vaored. Ur banniel hag ur c'hleze a zoug a-wechoù.