Sancha Kastilha (1154-1208)

Ur pennad Sancha Kastilha zo ivez.

Alfonso II Aragon hag e bried Sancha Kastilha dirak Curia Regia o bro, hervez ul livadurig eus dibenn an XIIvet kantved.

Sancha Kastilha (1154-1208) a oa infantez Kastilha hag a deuas da vezañ rouanez kenseurtez Aragon.

Merc'h e oa da Alfonso VII el Emperador ha d'e eil pried Riquilda Polonia.

Eured ha bugale

Dimeziñ a reas e miz Genver 1174, en Iliz-veur Zaragoza, da Alfonso II Aragon, roue Aragon, ha hervez ar skridoù e oa regina Aragonie, comitissa Barcinone et marchissa Provincie.
Bugale he doe :

• Pedro II Aragon (1174–1213), roue Aragon ha kont Barcelona ;
• Constanza (1179–1222), dimezet div wech :
  • e 1198 da Imre Hungaria,
  • e 1210 da Frederig II Hohenstaufen, Impalaer Santel, roue Sikilia ha Jeruzalem ;
• Alfonso (1180–1209), kont Provañs, evel Alfonso II ;
• Leonor (1182–1226), dimezet e 1202 da Remon VI Toloza ;
• Sancha (1186–1241), dimezet e 1211 da Remon VII Toloza ;
• Sancho, marvet en bugel ;
• Ramón Berenguer, marvet en bugel ;
• Fernando (1190–1249), beleg hag abad Montearagón ;
• Dulce (1192–?), leanez e manati Sigena.