Samuel Colt

den
Reizh pe jener	paotr
Bro ar geodedouriezh	Stadoù-Unanet
Anv e yezh-vamm an den	Samuel Colt
Anv-bihan	Samuel
Anv-familh	Colt
Deiziad ganedigezh	22 Gou 1814
Lec'h ganedigezh	Hartford
Deiziad ar marv	10 Gen 1862
Lec'h ar marv	Hartford
Lec'h douaridigezh	Cedar Hill Cemetery
Tad	Christopher Colt
Mamm	Sarah Caldwell
Pried	Elizabeth Jarvis Colt
Bugel	Caldwell Hart Colt
Yezhoù komzet pe skrivet	saozneg
Micher	inventor, embreger, artisan, design engineer, weapons manufacturing company
Grad milourel	Koronal
Prizioù resevet	National Inventors Hall of Fame
Oberennoù zo en dastumad	Metropolitan Museum of Art
Statud e wirioù aozer	Ar gwirioù aozer ne dalvezont ket ken

Samuel Colt (19 a viz Gouere 1814 - 10 a viz Genver 1862 e Hartford (Connecticut, Stadoù-Unanet), eo an den a grouas ar revolver modern kentañ e 1835. Ennañ e lakaed ar boledoù en un daboulin, da lavaret eo ur granenn dro enni meur a doull (kambr) a yae pep hini d'e dro da genglotañ gant ar c'hanol hag ar reizhiad skeiñ, a seurt ma c'halled tennañ buan. Ar mont en-dro-se a voe implijet goude e meur a arm.

An armoù

Samuel Hamilton Walker. Labourat a reas asambles gant Samuel Colt, ha krouiñ a rejont ar revolver Colt Walker

Samuel Colt a ijinas ur revolver a anvas Colt Paterson : e-keit ma karger anezhi e troe ar granenn hag en em gave an toulloù (kambreier) karget e-tal ar c'hanol. Ar revolverioù Colt Paterson kentañ a voe produet e 1836. Kambret e oant er c'halibr .36 meutad ha pemp tenn e oa o zaboulin. Gwerzhet e voent da vorlu Texas, rak d'ar mare-se e oa ar Stad o paouez dont da vezañ ur republik dizalc'h, hag he Rangers en em ganne a-enep d'ar Vec'hikaned ha d'an Indianed.

E 1846 e kenlabouras Colt gant ar c'habiten Samuel Hamilton Walker hag e tapjont ur gevrat : 1000 pistolenn-dro Colt, kemmet diwar c'houlenn Walker, hag a roas e ali e anv an arme amerikan. Ar Colt Walker (1847) a oa heñvel ouzh an armoù a voe savet goude-se (nebeut-tre a dammoù lem-laka, pontig stag ouzh an dornikell dindan, kranenn 6 kambr dezhi). He zaboulin a oa hir a-walc'h evit lakaat e pep hini eus he c'hambreier 3,25 g poultr du hag ur boled krommvegek kalibr .44. He c'hanol a rae 229 mm. 2 kg a oa e bouez pa oa goullo.

A-drugarez d'ar werzh-se e c'hellas Colt lakaat produiñ pistolennoù-tro modernoc'h evit ar Paterson. Krouiñ a reas ivez ivez ar revolver Colt Holster Pistol 1848 (arm kentañ ar rummad Dragoon, kalibr .44, kanol 20 cm hirder). Skañvoc'h evit ar revolver Walker e oa, hag implijet e voe gant ar rejimantoù marc'hegiezh.

Revolverioù kalibr .3 ha skañvoc'h (betek 70% nebeutoc'h evit ar revolver Walker) a voe krouet ivez : ar Colt Baby Dragoon (1847/48, 5 tenn, gant ur pontig eeun a-dreñv) hag ar Colt Baby Dragoon Pocket 1849 (5 pe 6 tenn, pontig ront). Implijet e vezent dreist-holl gant tud voutin, poliserien, kannaded ha kompagnuniezhioù rederigoù. Etre 1848 ha 1873 e savas embregerezh Colt war-dro 331.000 Pocket Revolvers.

E 1851 e voe krouet ar revolver Colt 1851 Navy (kalibr .36) anvet ivez Belt Model (dre ma oa bihanoc'h hag aesoc'h da zougen ouzh ar gouriz), hag a voe e-touez an armoù-tan gwerzhet ar muiañ en XIXvet kantved (215 000 anezho). D'an 23 a viz Genver 1851 e teuas a-benn ar c'habiten Dansan da dizhout ur gwenn a oa da ouzhpenn 28 m dezhañ gant e bistolenn-dro Navy.

E 1860 e voe savet ar revolver Colt 1860 Army hag a gemeras plas ar rummad Dragoons. A-fet gobari e oa heñvel (.44) met a-fet pouez e oa 30% skañvoc'h. Ar Colt 1860 Army, 1861 Navy ha 1862 Police (kalibr.36) a voe an armoù diwezhañ hep kartouchennoù produet gant an embregerezh.

Pennadoù kar

Colt's Manufacturing Company, an embregerezh krouet gant Samuel Colt, a zo anezhañ hiziv an deiz c'hoazh

Liammoù diavaez

(en) Buhez Samuel Colt
(fr) Samuel Colt (1814-1862) : l’homme qui arma l’Amérique, 58'48, France Inter, 03/10/2020

Levrlennadur

(fr) CASANOVA Daniel, Samuel Colt, une légende américaine, Open Science, 2021, 13 p.
(fr) WILSON R.L., Colt une légende américaine, EPA, 1995, 405 p., ISBN 9782851202864

Stag eo ar bajenn-mañ ouzh Porched an Armoù-tan