Sally Jones

den
Reizh pe jener	plac'h
Bro ar geodedouriezh	Rouantelezh-Unanet
Anv-bihan	Sally
Anv-familh	Jones
Deiziad ganedigezh	17 Du 1968
Lec'h ganedigezh	Greenwich
Deiziad ar marv	Mezheven 2017
Lec'h ar marv	Siria
Yezhoù komzet pe skrivet	saozneg
Micher	sponter, propagandist

Sally Ann Jones, lesanvet White Widow pe Mrs Terror pe c'hoazh Umm Hussain al-Britani, ganet e 1969 ha marvet war e seblant e miz Even 2017^[1], zo un djihadourez ezel eus ar Stad Islamek a orin eus Bro-Saoz. Ober a ra war-dro ar propaganda war-zu an dud yaouank dreist-holl en Europa ha dre ar rouedadoù sokial.

Dimezet e oa gant Junaid Hussain un djihadour arbennikaet war ar propaganda dre an internet ha lazhet gant ur vombezenn dron e miz Eost 2014, pa oa 21 bloaz. Abaoe ne deu ket a-benn da gavout ur gwaz a-nevez, setu perak he deus c'hoantaet distreiñ da Vro-Saoz.

Goude marv he gwaz e miz Eost 2015 e voe lakaet e penn skourr maouezed ar batailhon Anwar al-Awlaki. An unvezh-se a zo bet kefridiet gant tagadennoù sponterezh dre ar bed, an izili a zo holl o tont eus an estrenvro^[2].

Abaoe miz Gouhere 2017 e vez embannet e fellfe dezhi distreiñ da Vro-Saoz met ar Stad Islamek a nac'hfe ar gwir dezhi dre ma'z eo gwreg ur soudard eus ar C'halifad^[3].

He mab a zo bet emezelet en aozadur Leoniged ar c'halifad.

A-raok ar Stad Islamek

A-raok dont da vezañ djihadourez e oa gitarourez en ur strollad maouezed punk, Krunch, er bloavezhioù 1990. Ur wech dimezet gant Junaid Hussain e cheñch buhez da vat ha treiñ d'an Islam. Dilaosket e vezo he mab oadet a 18 vloaz pa guitao Sally Jones ar vro gant he gwaz hag o bugel 11 vloaz Hamza. Mont a rejont e Raqqa, lec'h pennañ Daesh e Siria.

Propaganda ar feulster

Sally Jones hag he gwaz a zo bet brudet evit bezañ aozerien propaganda feuls taer a-enep an holl dud ha ne oant ket izili pe harperien ar Stad Islamek: kristenien, yuzevien, kurded... Plijout a rae dezhi skrivañ war Twitter^[4] he c'hoant da lazhadegañ tud dre zibennañ anezho ha lakaat o fenn war pikoù.

Hi eo a vefe bet aozerez ur c'hampagn propaganda evit lidañ tagadennoù an 11 a viz Gwengolo 2001 brudet dre an hashtag #AmericaUnderHacks^[5].

Brudet e voe ivez pa embannas titouroù personel a-zivout soudarded eus Stadoù-Unanet Amerika ha Bro-Saoz ha goulenn ma vefent lazhet^[6].

Diell-film

ISIS: The British Women Supporters Unveiled, Channel 4

Notennoù ha daveennoù

[1] ttp://www.lexpress.fr/actualite/monde/europe/la-veuve-blanche-de-daech-et-son-fils-de-12-ans-tues-par-un-drone_1951798.html?usqp=mq331AQCCAE=

[2] ttp://www.telegraph.co.uk/news/2016/09/11/revealed-isil-white-widow-sally-joness-role-in-training-female-r/

[3] ttp://news.sky.com/story/is-recruiter-sally-jones-wants-to-return-to-britain-from-raqqa-10935755

[4] ttps://web.archive.org/web/20160917030752/http://www.lesinrocks.com/2015/12/news/791002/

[5] ttps://web.archive.org/web/20170714205650/http://www.atlantico.fr/decryptage/punk-etat-islamique-sally-ann-jones-occidentale-qui-veut-prendre-tete-hackers-djihadistes-2357323.html/page/0/1

[6] ttp://www.dailymail.co.uk/news/article-3262135/British-jihadi-Sally-Anne-Jones-leaked-home-address-Navy-SEAL-killed-Osama-Bin-Laden.html

[1]

[2]

[3]

[4]

[5]

[6]