Rotruda Trier

Rotruda Trier pe Hrotruda Trier, a oa ur briñsez frank ha gwreg kentañ Karl Martel en VIIIvet kantved .

Hec'h anv

Skrivet e vez ivez Chrotrude, Chrotrud, Rotrude, Chotrude, Chrotude, Chrotrudis, hag anavet eo ivez evel Rotrou de Treves.

He buhez

Ganet e oa e 690 en Aostrazia.

Merc'h e oa da sant Leutwinus (pe Liévin, Liutwin, Leudin) a oa abad Mettlach hag eskob Trier (marvet e 713), ha da Willigarde. Nevez zo avat ez eus bet kavet e oa merc'h da Lambert (†714), kont Hesbaye, un hendad d'ar Robertizien.

Dimeziñ a reas da Garl Martel, mab bastard da Pepin Herstal, maer palezioù Aostrazia ha Neustria.

Mervel a eure e 724.

He bugale

Rotrude Trier

dimezet da g- Karl Martel
│
├─ Karloman (war-dro 715-17 Eost 754), maer ar palez Aostrazia (741-747). Manac'h e Monte-Cassino.
│ dimezet n'ouzer da biv
│
├─ Pepin III, lesanvet Pepin Grenn (war-dro 715-† 768), maer ar palez e Bourgogn (741), Neustria (741) hag Aostrazia (747), 
│ roue ar Franked (751). 
│ dimezet en 744 da Bertrada Laon, lesanvet an Droadegez (gwelout Hugobertizien)
│
├─ Hiltruda (720-† 754). 
│ dimezet da Odilon Bavaria (gwelout Agilolfing)
│
└─ Hadeloge pe Aude, pe santez Hadeloge (?-† 751). 
 dimezet da Teodorig IV, kont Autun ha Toulouse.