Roger Sherman Loomis

{destennoù Loomis {databox}} Roger Sherman Loomis, ganet d'an 31 a viz Here 1887 e Yokohama ha marvet d'an 11 Here 1966 e Waterford, Connecticut, a voe ur skolveuriad stadunanat hag unan eus an arbennigourien bennañ war lennegezh ar Grennamzer ha [[Mojenn Arzhur]. Lakaat a reas pouez ar gwengelouriezh keltek a c'heller adkavout enni, peurgetket istor ar Gral Santel.

Buhez

Mab d'ar reverant Henry Loomis ha da Jane Herrings Greene ha mab-kuñv da Roger Sherman, unan eus Tadoù diazezer ar Stadoù-Unanet. Tapout a reas un aotreegezh (bachelor of Arts) e Williams College in 1909 hag ur master e Skol-veur Harvard e 1910. E 1913 e soutenas un dezenn doktorelezh war lennegezh ar Grennamzer e Skol-veur Oxford. Dodenn an dezenn a voeSkeudennadurioù ar marvailhoù e Arzoù saoz er grennamzer
Aboe derou e remzad e talc'has da studiañ levezon ar wengelouriezh keltek war Mojenn Arzhur hag istor ar Gral Santel peurgetket. E 1930 ez eas da gemer perzh e Kendael etrebroadel an Arzhurianed kentañ dediet da imbourc'hiñ mojennoù Arzhur hag ar Gral Santel. Reiñ a reas e anv da Gevredigezh etrebroadel an Arzhurianed ha lakaet e voe da gadoriad ar skourr stadunanat etre 1948 ha 1963.  Ezel  e voe da veur a gevredigezh skolveuriat en e vro.

Distreiñ ar selloù diouzh al lennegezh kourtes 

E 1949 e lakaas R.S. Loomis war wel ne voe ket ar romantoù kourtes un adskrivadur eus marvailhoù an Henamzer ha pa vefe implijet danevelloù nevez Bro-Gembre e vijent deuet da Vro C'hall dre hanterouriezh an Normanned aet da aloubiñ Bro-Saoz. E diwezn an XIX^vet kantved tez eus bet un tabut skiantel etre Gaston Paris a soutene orinoù nann-keltiek ha Joseph Bédier a wele kontadennoù kembraek, evel re ar Mabinogion, treuzkaset d'ar c'hevandir dre ar Saozon.
Kinniget e voe gant Loomis klask e-barzh mojennoù Bro-Skos ha Bro-Gembre. Eus un tu e lakaas war wel plad burzhudus roue Stratklut, Rhydderch Hael, a c'hellfe pourveziñ boued diouzh ar goulenn hag eus un tu all korn-boud Brôn pe vBran, haroz koulz er Mabonogion hag enur gontadenn arzhurian. En danevell kembraek e weler Bron gant ur c'horn (korn e kembraek ivez) dezhañ barregezh degas traou hervez ar volontez, ar c'horn a builhentez anavezet e gwengelouriezh Hellaz. Treuzkomprenet ar ger korn ez eas da cors (kalon) ha da corps(korf) da c'houde. E-barzh oberenn Chrétien de Troyes e weler ur c'halir mat da enderc'hel korf ar C'hrist dindan stumm un ostiv hervez ar vojenn gristenaet.
E 1954 e kasas Roparz Hemon d'ar gelaouenn Al Liamm un notenn levrlennadurezh hir diwar-benn eil embannadur Arthurian Tradition and Chrétien De Troyes hag e roas un diverradenn eus mennozioù pennañ Loomis :

1. An doueedoniezh keltiek a zo pennorin an hengoun arzhuriek.

2. An hengoun-se, o tont eus Iwerzhon, Kembre ha Kernev-Veur, a voe kaset gant danevellerien a vicher d'ar Vretoned, ha gant ar re-mañ d'ar C'hallaoued ha d'an Normaned-ha-Saozon.

3. An anviou-tud arzhuriek a zo peurliesañ deveret eus ar c'hembraeg, hag i alies distreset farsus o tremen dre yezhou estren ha dre bluenn skriverien dievezh pe nec'het.

Embannadennoù

• Illustrations of Medieval Romance on Tiles from Chertsey Abbey (1916)
• Freshman Readings (1925)
• Celtic Myth and Arthurian Romance (1927)
• The Art of Writing Prose (1930) with Mabel Louise Robinson, Helen Hull ha Paul Cavanaugh
• Models for Writing Prose (1931)
• The Romance of Tristram and Ysolt (1931), troour
• Tristan and Isolt: A study of the Sources of the Romance', asambles gant Gertrude Schoepperle Loomis, 2vet embannadur, expanded by a bibliography and critical essay on Tristan scholarship since 1912, by Roger Sherman Loomis (New York, B. Franklin, 1960)
• Arthurian Legends in Medieval Art (1938), asambles gant Laura Hibbard Loomis
• Introduction to Medieval Literature, Chiefly in England. Reading List and Bibliography (1939)
• Representative Medieval And Tudor Plays (1942) editor with Henry W. Wells
• The Fight for Freedom: College Reading in Wartime (1943) with Gabriel M. Liegey
• Modern English Readings (1945), kenrener
• Medieval English Verse and Prose (1948) with Rudolph Willard
• Arthurian Tradition and Chrétien De Troyes (1949)
• Wales and the Arthurian Legend (1956)
• Medieval Romances (1957) kenrener asambles gant Laura Hibbard Loomis
• Arthurian Literature in the Middle Ages, A Collaborative History (1959), rener
• The Grail: From Celtic Myth to Christian Symbol (1963)
• The Development of Arthurian Romance (1963)
• A Mirror of Chaucer's World (1965)
• The Arthurian Material in the Chronicles: Especially Those in Great Britain and France (1973) expansion of Robert Huntington Fletcher's 1906 book
• Lanzelet (2005) troour Thomas Kerth, notennoù Loomis ha Kenneth G. T. Webster

Levrlennadurezh

• Roparz Hemon, "Breizh ha marvailhoù Arzhur". E-barzh Al Liamm, niv. 42, 1954.

• Eisner, Sigmund (2013). "Roger Sherman Loomis (1887–1966)", Medieval Scholarship: Biographical Studies on the Formation of a Discipline. Volume 2: Literature and Philology. New York : Routledge. 381–393 p. ISBN 978-1-317-73202-0. 
• (2002) "Arthur Sampson Napier, 1853–1916", Interpreters of Early Medieval Britain. Oxford : Oxford University Press. 91–116 p. ISBN 978-0-19-726277-1. 
• "Loomis, Roger Sherman". The Grove Encyclopedia of American Art. (2011). Oxford: Oxford University Press. DOI:10.1093/acref/9780195335798.001.0001. ISBN 978-0-19-973926-4. 
• Young, Jonathan (2005). "Cambell, Joseph (1904–87)". The Dictionary of Modern American Philosophers. Bristol, England: Thoemmes Continuum. 420–425. DOI:10.1093/acref/9780199754663.001.0001. ISBN 978-1-84371-037-0. 

• "Roger S. Loomis of Columbia Dies: An Authority on King Arthur and His Knights Was 78", The New York Times (October 12, 1966), p. 43. 

• (1970) Studies in Medieval Literature: A Memorial Collection of Essays. 

Liammoù diavaez

• The origins of the Holy Grail according to Roger Sherman Loomis
• New York Times Obituary
• LibraryThing
• Sherman Genealogy Including Families of Essex, Suffolk and Norfolk, England. By Thomas Townsend Sherman (ISBN 9781143159688)