Rattenfänger von Hameln

Hervez ur werenn-iliz e Goslar.

Rattenfänger von Hameln (Razhetaer Hameln) zo ur gontadenn gant ar vreudeur Grimm. Kaoz zo enni eus un drouziwezh c'hoarvezet eno d'ar 26 a viz Mezheven 1284 e kêr Hameln, en Niedersachsen, en Alamagn.

Ar vojenn

Ur vojenn grennamzerel eo diwar-benn ur fleüter, e dilhad marelled, a voe gopret da reiñ an dizober eus ar razhed gant e fleüt burzhudus. Pa nac'has kuzul-kêr paeañ e labour ec'h implijas e venveg da gas ar vugale gantañ evel ar razhed.

Kontet eo bet an istor gant meur a skrivagner : Goethe, Grimm, Robert Browning, ha re all.

Meur a zispleg kontrol zo diwar-benn orin ar vojenn hag ar soner.

Skridoù

• En 1556, er skrid latin « De miraculis sui temporis » ("Diwar-benn marzhoù e amzer") gant Jobus Fincelius ez eus anv eus ar vojenn, ma lavar an oberour eo an diaoul eo ar fleüter.
• En 1803 e voe savet ur varzhoneg gant Johann Wolfgang von Goethe diwar ar vojenn.
• E 1816 e voe kontet ar vojenn gant ar vreudeur Grimm, Jacob ha Wilhelm, en o levr Deutsche Sagen (« Mojennoù alaman », niverenn 245, Die Kinder zu Hameln).
• E 1829 e voe kontet ar vojenn e galleg gant Prosper Mérimée en danevell Les Reîtres, pennad kentañ al evr Chronique du règne de Charles IX.
• E 1842, ur varzhoneg saoznek gant Robert Browning