Qusay Husain
Qusay Saddam Husain al-Tikriti (arabeg:قصي صدام حسين), ganet d'ar 17 a viz Mae 1966 ha marvet d'an 22 a viz Gouhere 2003, a oa eil mab an diktatour irakian Saddam Husain. Anvet e oa bet da gemer ar galloud war-lerc'h e dad er bloavezh 2000.
Marv
[kemmañ | kemmañ ar vammenn]
D'an 22 a viz Gouhere 2003 e-pad an abardaez, soudarded eus ar 101st Airborne, harpet gant nerzhioù ispisial Stadoù-Unanet Amerika, a lazhas Qusay, e vab oadet a 14 vloaz Moustafa, gant e vreur henañ Oudai Husain, e-pad tagadenn un ti e norzh kêr Mosoul. Ur bagad soudarded eus an nerzhioù ispisial stadunanat a glaskas tostaat ouzh an ti evit herzel an annezidi. Tennet e voe warno ha rediet e voent da gilañ. Goulennet e voe ganto nerzhioù harp. War-dro 40 soudard eus ar 101st Airborne Division hag 8 ezel eus an Task Force 121 a erruas. Goude ma vije bet gloazet soudarded an Task Force 121 e voe tennet war an ti gant ur misil TOW, banneroù-greunadennoù emgefreek Mk 19, mindrailherezioù ponner M2 Browning hag armoù skañv. Goude peder eurvezh tennadeg (an oberiadur a-bezh a badas 6 eurvezh), ar soudarded a zeuas-tre en ti, ha kavet e voe korfoù an daou vreur asambles gant hini o difenner.