Polis (Henc'hres)

Eus Wikipedia

En Henc'hres e veze lavaret polis (en gregach πόλις / pólis ; « keoded», hervez ster an anv latin « civitas » ; poleis el liester) a oa ur geoded-stad, da lavarout eo ur gumuniezh keodedourien dizalc'h hag emren.

Hervez a soñje tud Henc'hres, e oa ar polis ur framm kevredigezhel anezhañ, da lavarout eo ur bobl a dud, ha n'eo ket un aozadur melestradurel: ar Stad n'eus ket anezhi nemet ur gumuniezh tud. Se zo kaoz eo anavezet ar c'heodedoù, ar poleis, e gregach, dre anv ar bobl : n'eus ket eus keoded Aten, pa'z eo « keoded an Ateniz », ha Sparta eo keoded al Lakedemoned.