Park Broadel Eryri
| Deiziad krouiñ | 1951  |
|---|---|
| Anv ofisiel | Parc Cenedlaethol Eryri, Eryri National Park |
| Anv er yezh a orin | Parc Cenedlaethol Eryri |
| IUCN protected areas category | IUCN category V: Protected Landscape/Seascape |
| Anvet diwar | Eryri |
| Stad | Rouantelezh-Unanet |
| E tiriad | Kontelezh Gwynedd |
| Kontelezh istorel | Sir Feirionnydd |
| Daveennoù douaroniel | 52°56′0″N 3°56′0″W |
| Poent uhelañ | Gouezva |
| Aotrouniezh | Awdurdod Parc Cenedlaethol Eryri |
| Statud gladel | International Dark Sky Reserve |
| Lec'hienn ofisiel | https://www.eryri.llyw.cymru, https://www.eryri.gov.wales |
Park Broadel Eryri (Parc Cenedlaethol Eryri e kembraeg, Snowdonia National Park e saozneg) zo ur park naturel hag a voe krouet e 1951. Bez' eo unan eus an tri fark broadel a gaver e Kembre, gant hini Bannau Brycheiniog ha hini Penfro. En em ledañ a ra ar park war 214 159 hektar a zouaroù, un dachenn un tamm mat ledanoc'h eget ar c'horn-bro anavezet a-gozh evel Eryri.
En em astenn a ra ar Park Broadel war ur vro veneziek, e kontelezh Gwynedd dreist-holl hag un tamm e kontelezh Conwy ivez. Ouzhpenn 26 000 a annezidi zo o chom en rannvro-se. Hervez niveradeg 2011 e oa 59% anezho a oa kembraegerien. Ouzhpenn 6 milion a weladennerien a zeu da douristañ dre eno bep bloaz, en ur vro ma kaver ar menez uhelañ eus Kembre, ar Wydddfa (1085 metr). Brudet eo ar c'hornad evit e venezioù, e draoñiennoù, e lammoù-dour, e daouarc'hegeoù hag e garregadoù.
Annezet eo ar vro gant mab-den abaoe meur a vilved zo, pa gaver enni kambroù-bez eus Oadvezh ar Maen, dismantroù kastilli, mengleuzioù hag aspadennoù eus mare ar Romaned.
Melestriñ
[kemmañ | kemmañ ar vammenn]Meret e vez ar Park gant ur c'huzul-merañ ennañ dileuridi eus Kontelezh Gwynedd, hini Conwy ha Bodadenn Vroadel Kembre[1] Er budjed 6 milion a lurioù sterling, ez eus 75% a zeu eus gouarnamant Kembre tra ma teu ar peurrest eus an div strollegezh all.[2]. E 2014 e oa 93% eus ar 155 a implijidi a zo er park o c'houzout kembraeg.
Ar memes reolennoù a vez lakaet da dalvezout a-fet sevel tiez ha kêraozañ evit an holl zouaroù er Park, prevez pe foran e vefent.
Notennoù
[kemmañ | kemmañ ar vammenn]- ↑ Danevell obererezh ar Park - 2 Mezheven 2014
- ↑ Lec'hienn ar Park - 2 Mezheven 2014.
Liammoù diavaez
[kemmañ | kemmañ ar vammenn]- Park Broadel Eryri (cy) (en)
- Campaign for National Parks (en)